Неговото голчиште беше прогласено за број 1
Легендарниот руски ракометар денеска соопшти дека ова му е последна сезона во неговата долга и блескава кариера.
„Најтешко во моментов ми е што сме разделени со семејството, јас сум со синот во Загреб, Ирина е со ќерката во Ростов. Затоа решив да ја доиграм сезоната и да ја завршам кариерата. Сакам да бидам покрај нив. Си велам уште оваа сезона и тоа е тоа и морници ме лазат. Навистина ли дојде тој момент?“, изјави Дибиров
Тимур Дибиров ви е дечки, нешто како Хавиер Занети во фудбал. Знаете на што мислиме така? Издржливост и долговечност, ама во топ форма.
41 годишното руско крило со македонски пасош го пропушти првиот меч во ЛШ дури сезонава, пред два месеци, во замислете 21 година. Неверојатно.
Динамо Загреб - Нант е првиот натпревар на кој Тимур не успеа да настапи во изминативе две децении во дресовите на Чеховски Медведи, Вардар и Загреб.
Тимур е вардаров лик. Скроз. Скопје го напушти после 9 години со 21 трофеј меѓу кои две европски титули, како и 1.043 гола во Лига на шампиони. Стана трет стрелец на вечната листа после Лазаров и Карабатиќ. Во дресот на Динамо се искачи на втора позиција.
Тоа беа 9 прекрасни години, полни со историски мигови, шампионски сјај и взаемна љубов со клубот и навивачите. Замина гордо и исполнето, со безброј дрски погодоци од мртов агол.
Го потеше вардаровиот дрес со голема жар и посвета, а во едно интервју изјави дека со такво сплотено друштво, да му понуди некој трофеј во ЛШ со Вардар и пак без плата, би прифатил.
Дибиров: Драги пријатели, потребен е текст за многу страници, вие сте засекогаш во моето срце
