Маестралниот гол во финишот за триумф на Србија над Германија

Дваесет и две годишниот најдобар српски ракометар во моментов, Стефан Додиќ беше јунак на мечот и заслужено прогласен за играч на натпреварот.

Тој беше автор на акцијата после која ракометарот на Охрид Дарко Ѓукиќ го постигна најубавиот и последниот гол на дуелот за да ја запечати историската победа на Србија:

We have the first major upset of the EHF Euro.

Serbia break their 3 tournament 6 game winless streak and take down heavy favourites Germany! pic.twitter.com/86ABrl0GDL

— (Un)informed Handball Hour (@HandballHour) January 17, 2026

Одличниот Стефан Додиќ поголем дел од својата кариера мина во Македонија, во Металург, во РК Ааеродром, во Охрид и во Вардар. Играше уште и во Загреб, во Цеље а сега е во Војводина.

Најефикасни кај Србија беа Урош Којадиновиќ со 6 гола и Вукашин Воркапиќ исто со 6 погодоци. Кај Германците по 6 гола имаа Миро Шлуроф и Ренарс Ушчинс. Кај голманите, Дејан Милосављев запоша 12 одбрани, Давид Спат имаше 7 одбрани а Андреас Волф само 4.

На Србија сега и претстои дуел со незгодната Австрија во последно коло, а Германија ќе игра мега дерби за пласман во следна рунда против Шпанците.