ПСВ Ајндховен запали илјадници свеќи на пуст стадион за оние кои заминаа во 2020

ПСВ го победи Венло со 4-1 и се израмни бодовно со Ајакс на 1. место на табелата во Холандија, но тимот од Ајндховен има меч повеќе. Синоќа во фокусот беше акцијата со запалени свеќи во чест на оние кои не ја преживеаа 2020-та.

На култниот „Филипс Стадион“ во Ајндховен дискретно светло гореше од илјадници свеќи на трибините.

Оваа убава акција е инцијатива на официјалниот фан клуб на ПСВ. Акцијата #EEUWIGLICHT („Вечен пламен“) ја соопштиле на почетокот на декември. Секој навивач можел за 2,50 евра да има запалена свеќа на стадионот.

„Ни забранија посета на натпреварите на нашиот сакан ПСВ. Секако, здравјето на секој човек е пред се друго. Фудбалот буквално стана најважната споредна работа во животот“.

За жал годинава и многу навивачи на ПСВ изгубија свои драги луѓе. Се простивме со поранешниот претседател на клубот Хендрикус ван Рај. Сакаме на последниот домашен меч годинава да му оддадеме почит на Ван Рај и на сите блиски кои починаа годинава.

Можете да поставите свеќа и така да ги поддржите своите пријатели со надеж за подобри времиња“, пишувало во соопштението на клубот.

Во Холандија повторно има жаришта на вирусот: неделно околу 10.000 позитивни случаи, а досега вкупно од почетокот на пандемијата имало 700.000 заразени и околу 10.000 починати.

Пролетта кога почна пандемијата холандската лига беше прва која прогласи крај на првенството (ПСВ беше еден од најгласните заговарачи на прекин на фудбалот).

На почетокот на неделата земјата затвори сообраќај со Јужна Африка и Велика Британија каде беа откриени нови мутации на вирусот.

Акцијата на ПСВ убаво ја прифатиле сите навивачи и резултатот (победа 4:1) останал во втор план.

23 декември 2020 - 13:58

Штета ако сте пропуштиле

Скопски авантури

И пак не сте задоволни

Претседателски совети

Па каде да најдеме такво дете??