Epa Images
- Триесет и седум годишниот германски тренер Оле Вернер е нов предводник на бундеслигашот РБ Лајпциг кој долго време беше во потрага по нов тренер.
- Вернер од 2021-ва до скоро го водеше Вердер Бремен со кого одбил да потпише нов договор во мај па добил отказ. Сега добил понуда од богатиот Ред Бул Лајпциг и ја прифатил но тимот од источна Германија ќе мора да плати 2 милиони евра за откуп на договорот.
- Вернер кратко играл фудбал во Холштен Кил каде и ја започнал тренерската кариера. Сега добива 2-годишен договор со РБ Лајцпиг до крајот на сезоната 2026/2027. Екипата за првпат од 2016-та кога влезе во Бундеслига нема да игра во еврокупови зошто заврши на 7-мо место на табела кое не води никаде.
- Во меѓувреме италијанските медиуми пишуваат дека Торино нема намера да го откупи договорот на Елиф Елмас иако имаа опција позајмица плус откуп зошто им бил прескап (околу 17 милиони евра). Македонскиот репрезентативец наводно имал понуди од Премиер лига и Лајпциг чека да види разврска на ситуацијата.
- Машката и женската одбојкарска федерација во изминатиов период беа активни во Европската Златна и Сребрена лига на ЦЕВ, а домот во овој период беше Струмица.
- Тука одбојкарите и одбојкарките се подготвуваат, во салата Парк ги играа натпреварите на турнирите, а беа сместени во хотелот Горан Пандев.
- Се мина како што треба, па од одбојкарската федерација испратија благодарност до нашата фудбалска легенда за беспрекорните услови во хотелот чиј сопственик е токму Горан Пандев.
- Македонскиот ракомет продолжува по одлична траекторија затоа што ЕХФ го препозна квалитетот на македонските клубови па во силната конкуренција му даде таканаречена вајлд карта на Еурофарм Пелистер за учество во новата сезона од Лига на шампиони 2025/2026.
- Битолчани кои ја освоија шампионската титула во Македонија, добија покана за настап во ЛШ заедно со ПИК Сегед, Нант, Киелце, ГОГ Гудме, Колштад, а извисија Порто, Шафхаузен и Слован кои беа одбиени за ЛШ и ќе играат веројатно во Европската лига и Европскиот Куп.
- Интересно оваа вест со големо задоволство ја примија и во РК Вардар 1961 кој како вицешампион ќе стекне право да игра во Европската лига затоа што Пелистер оди во ЛШ наместо во Европска лига. Ждрепката за групната фаза во ЛШ ќе се одржи в петок во Виена, каде што 16 екипи ќе бидат поделени во две групи по осум тимови.
