40 години од големата трагедија во европскиот фудбал

На денешен ден пред 40 години, на стадионот „Хејсел“ во Брисел се случи најголемата трагедија во историјата на фудбалската игра во Европа.

Финалето на Куп на Европски шампиони (КЕШ), денешна Лига на шампиони, на 29-ти мај таа 1985-та година се играше на стадионот „Хејсел“ во Брисел иако стадионот не ги задоволувал сигурносните критериуми и безбедносни стандарди.

„Хејсел“ во тој момент бил стар повеќе од 50 години, запуштен, неодружван, со бројни сигурносни пропусти на себе.

Поради лошата состојба, луѓето од Ливерпул и Јувентус барале од УЕФА финалето да се игра на некое друго место но Европската куќа на фудбалот немала намера да ја смени првобитната идеја.

Очекувања биле големи, а интересот на навивачите од цела Европа огромен. Секој клуб добил по околу 25.000 карти за свои навивачи а останатите биле сместени на неутралната зона.

Пола час пред почетокот на натпреварот, англиските хулигани, во тие години најозлогласени на светот, ги нападнале тифозите на Јувентус кои штотуку влегле и се сместиле на трибините. Со оглед на малиот број полицајци, навивачите на Ливерпул нагрнале кон неутралната зона (сектор „Z“ на стадионот) сместен меѓу двете навивачки групи но каде воглавно стоеле италијански навивачи на Јувентус.

Во голема паника и стампедо, илјадници навивачи на Јувентус сакале да побегнат, но наишле на бетонски ѕид кој под голем притисок од толпата попуштил и се срушил а при хаосот многумина биле згмечени или прегазени во стампедото.

Загинале 39 лица од кои 32 Италијанци, 4 Белгијци, двајца Французи и еден Северно Ирец. Околу 600 лица биле повредени. Меѓу жртвите имало и деца, жени и неутрални гледачи.

Јувентус барал натпреварот итно да биде одложен но УЕФА го одбила барањето. На крај бјанконерите славеа 1:0 со гол на Мишел Платини.

 

Вина за трагедијата на „Хејсел“ е припишана лично на навивачите на Ливерпул и тогаш сите англиски клубови поради големи нереди на нивните навивачи кои кулминираа со трагедијата во финалето, се исфрлени, суспендирани на пет години од европските натпревавувања.

Судот во Белгија прогласил 14 навивачи на Ливерпул за виновни за убиство од небрежност и ги осудил на три години од што отслужиле само околу година дена.

Стадионот е реновиран во 1995. година и од тогаш го носи сегашното име „Стадион Крал Боуден“. На него игра репрезентацијата на Белгија.

Во Торино и во Ливерпул има спомен обележја за настраданите навивачи.

Овој случај беше пресврт во европскиот и англиски фудбал. Подоцна во Англија се случи и страшната трагедија „Хилзборо“ во Шефилд. После тоа следуваше суровоста на „челичната Лејди“ Маргарет Тачер, британска премиерка која влезе во бескомпромисна битка со хулиганизмот и му стави крај.

29 мај 2025 - 13:10

Штета ако сте пропуштиле

Јавна потерница: Уметникот да се уапси!

Дома е онаму каде што стануваш кратковид

Што ќе ти е мозок ако имаш кауза

Ренато Баретиќ: „ВЕТУВАМ – НА 80. ЌЕ ОДАМ ВО ЈАВНА КУЌА“