- 23-годишниот центарфор Трој Перот беше јунак на квалификациите на Република Ирска. Прво со 2 гола ја скроти силната Португалија со Кристијано Роналдо, а после само неколку дена на гости во Унгарија даде хет-трик, три гола од кои еден во 90+6' минута за победа 2:3 и пласман во баражот за Светско првенство.
- Цела Ирска наздравувала во негово име деновиве, а по него сега е наречен и шарениот папагал во една зоолошка градина во Даблин.
- На англиски parrot значи папагал па оттука асоцијацијата со презимето Parrott на одличниот напаѓач на фудбалската репрезентација на Ирска.
- Во 3 часот ноќеска, фудбалерот од среден ред на Рома Неил Ел Ајнауи бил ограбен во својот дом во населбата Кастел Фузано во Рим.
- 24-годишниот Мароканец бил затворен од ограбувачите во една соба заедно со семејството. Од домот му биле украдени предмети во вредност од 10.000 евра, еден скапоцен Ролекс и други скапоцени чанти, пишува италијански Скај Спорт кој се повикува на италијанската агенција Анса.
- Имало шест разбојници облечени во црно, вооружени со пиштоли и имало прекриени лица. Влегле преку еден прозор во дневната соба. Прво го заклучиле во една соба фудбалерот на Рома, мајка му, девојка му и брат му со девојка му. Римската полиција веќе е во активна потрага по разбојниците.
- Ова е чест случај познати фудбалери од Италија, Шпанија, Франција или Англија да бидат ограбувани во своите домови.
- Ел Ајнауи во Рома дојде од француски Ленс во трансфер вреден 23,5 милиони евра. Претходно играше за Нанси, клуб од истоимениот град каде што е роден. Сезонава има 26 настапи за Рома, даде 1 гол, има 1 асистенција и 5 жолти картони.
- Легендарниот италијански тренер кој стана селектор на Бразил, синоќа објави список на фудбалери на кои смета за претстојните пријателски средби со Франција на 26-ти март во Бостон и со Хрватска на 1-ви април во Орландо.
- На списокот го нема Нејмар за кого Анчелоти објаснил дека не го повикал зошто не е 100% спремен физички. Повикани се двајца нови дебитанти, младите Рајан од Борнмут (крилен напаѓач) и најголемото изненадување во Премиер лигата Игор Тиаго од Брентфорд кој постигна 19 гола во Премиер лига и е втор стрелец во Англија.
- После подолго време е повикан и Ендрик кој блеска во Лион каде игра како позајмен од Реал Мадрид.
- „Вознемирен сум, тажен, затоа што не добив повик. Но фокусот останува ден за ден, тренинг по тренинг, натпревар по натпревар“, изјавил Нејмар. „Има уште еден, конечен список пред почетокот на Светското првенство, па сонот уште е жив“.
