- Нов малер за Далас кој остана и без услугите на Кајри Ирвинг. На мечот против Сакраменто Кингс ги повредил лигаментите на коленото, а тоа за него значи крај на сезоната.
- Ѕвездата на Маверикс сезонава одигра 50 од вкупно 62 меча и држеше феноменален просек од 24,7 поени по натпревар.
- За Далас Маверикс ова е отежнување плус во борбата за плејофот, бидејќи претходно се повреди Ентони Дејвис, а Лука Дончиќ го трампаа во Лејкерси.
- Екипата на Силекс игра одлична сезона под водство на тренерот Александар Васоски и се бори за шампионската титула, но на последниот натпревар против Вардар (1:1), Васоски добил црвен картон надвор од теренот.
- Некогашниот репрезентативен стопер вербално ги нападнал судиите незадоволен од арбитражата на мечот а влегол и во расправија со делегатот.
- За сево ова Васоски добил суспензија од 1 месец и парична казна од 200 евра. Казната започнува да му важи од 10-ти март и ќе трае до 10-ти април што значи дека Силекс без својот тренер ќе биде на натпреварите против: Брера Струмица, Тиквеш и Воска Спорт.
- После 23 одиграни кола во македонската прва лига, Шкендија е прва со 49 бода. Силекс е втор со 43 а трет е Гостивар со 44 бода.
- Дуелот од 27. коло Барселона - Осасуна кој требaше да се игра подоцна попладнево е одложен поради тоа што неколку часа пред натпреварот починал докторот на првиот тим на Барселона, Карлес Мињаро Гарсија.
- Фудбалерите и стручниот штаб на Барселона биле длабоко потресени од ненадејната смрт на докторот во стручниот штаб, а информацијата им ја соопштил претседателот Жоан Лапорта кој претходно се консултирал со главниот судија и делегатот на мечот околу одложување на натпреварот.
- Во исто време фудбалерите на Осасуна веќе се загревале на теренот на стадионот во Монжуик кога и ним им соопштиле дека натпреварот нема да се одигра во предвидениот термин.
