- Легендарниот македонски тренер, Заре Марковски, кој долги години работи во Италија, пред неколку дена доби отказ од италијанскиот прволигаш Пистоја по неполни два месеци соработка.
- Италијанските медиуми пишуваат дека причините за отказот лежат во тоа што, тој не го пуштал во игра синот на сопственикот на клубот, Рон Роуен во текот на сите 40 минути.
- Младиот Роуен на последните шест натпревари играл помеѓу 32 и 38 минути, со исклучок на мечот против Скафати, каде одиграл 45 минути поради продолженијата.
- Дисциплинската комисија на Фудбалската федерација на Македонија (ФФМ) ѝ изрече казна на Шкендија за недолично однесување на нејзините навивачи за време на минута молк пред почетокот на мечот со ФК Брера кога некои присутни гледачи недолично скандираа и викаа во тие моменти.
- Шкендија е казнета со пет домашни натпревари без гледачи како и со парична казна од 5.000 евра поради лоша организација на натпреварот.
- Драстично е казнет и делегатот Гоце Шоповски од Струга кој се суспендира на шест месеци каква било функција во фудбалот поради непочитување на пропишаните организациски протоколи. Делегатот, според ФФМ не презел потребни дејствија во врска со однесувањето на навивачите и според протоколите кои предвидуваат празнење на трибините, не постапил.
- По големиот инцидент кој го направи после поразот на неговиот Фенербахче 1-2 од ривалот Галатасарај во рамки од четвртфиналето на Купот на Турција кога за нос го тегнеше тренерот на Галатасарај Окан Бурук, Жозе Мурињо ја дозна казната.
- Португалскиот тренер е казнет со три меча суспензија во Турција. Дисциплинскиот комитет при Турската фудбалска федерација го казнил „само“ три натпревари затоа што во предвид била земена и провокацијата од тренерот Окан Бурук пред инцидентот.
