- Клубот кој добро го познаваме и кој буди убава носталгија од времето со Рој Макај, Џалмиња, Молина, Диего Тристан и другите, официјално се вика Депортиво де Ла Коруња. А градот се вика А Коруња.
- И таа „неправилност“ наскоро би можела да се смени. Само поради една буква. Наизглед само една буква зошто се работи за јазикот, за галициски дијалект. Поради тоа во 1984-та година градот го сменил името од Ла Коруња во А Коруња.
- А името на клубот си остана Депортиво Ла Коруња и сега после бројни панели, емисии, анкети, подкасти и гласања, навивачите, јавноста и луѓето од управата решиле да организираат референдум за сите членови (со членски карти) на кој ќе се предложи новото име на клубот да биде Депортиво да Коруња.
- Нам од страна гледано ни делува како ситница, дали е Депортиво Ла Коруња или Депортиво да Коруња. Но во Галиција им е многу важно.
- На три кола пред крајот во шпанската втора лига Сегунда, Депортиво Ла Коруња е втор на табела, со 71 бод колку што има и третопласираната Алмерија. Некогашниот сензационален шампион на Шпанија се бори за директен влез во Ла Лига.
- Вечерта на 12-ти мај Меммфис Гризлис излезе со соопштение за ненадејна смрт на нивниот кошаркар, крилниот играч Брендон Кларк.
- Причините за смртта на кошаркарот се уште не се објавени, а сочувство изрази и комесарот на НБА лигата Адам Силвер.
- Кларк настапувал за Мемфис Гризлис сите седум години од својата НБА кариера уште од драфтот во 2019-та кога технички го избра Оклахома но на крај Мемфис го доби канадското крило за кое го прати во Оклахома Тандер Дариус Бејли и пик од втората рунда во 2024-та.
- Брендон Кларк бил многу атлетски граден, скаутите во него виделе голем потенцијал уште на универзитетот Гонзага во чиј состав тој станал лидер во НЦАА лигата по број на асистенции а еднаш постигнал 35 поени со 5 блокади.
- Порталот ТМЗ имал верзија дека причина за смртта било предозирање со наркотици. Пред половина месец Кларк бил сопрен од полиција за пребрзо возење а при пребарување во возилото биле најдени марихуана и 200 грама кратом, забранета супстанца во некои земји во Европа но и во САД, поточно во Тенеси каде игра Мемфис Гризлис но не и во Арканзас каде му ја пронашле на Кларк.
- Најголемиот талент во академијата на Манчестер Јунајтед, Амир Ибрагимов кој е роден во Дагестан, а веќе некое време е во системот на славниот клуб. Тој дури и запишал неколку настапи за Англија У-15 и Англија У-16.
- Сега се решил да го прифати повикот на селекторот на Русија Валери Карпин за пријателските средби со Египет, Буркина Фасо и Тринидад Тобаго.
- „Тоа е моја татковина (Русија). Да, јас во некој момент играв за Англија, а во Русија исто ме викаа. Која репрезентација ќе ја изберам? Јас сум роден во Русија прво. Ако треба да се направи избор меѓу англиски и руски играч, тие сигурно би избрале Англичанец зошто е фудбалер од нивната земја. Да се настапува за својата татковина со своите момци е најдобро“, рекол Ибрагимов кој пред Манчестер Јунајтед бил во системот на Шефилд Јунајтед.
