Offside › Набрзинка

Вујошевиќ на комеморацијата за Далипагиќ: „Беше Југословен, остави аманет да биде испратен со Хеј Словени“

28 јануари 2025

Легендарниот тренер на КК Партизан, Душко Вујошевиќ одржал говор на комеморацијата по повод смртта на прославениот кошаркар и тренер Дражен Далипагиќ.
„Се обраќам пред семејството Далипагиќ и ми припадна голема чест на овој собир на кој се собравме за полесно да ја поднесеме тагата, свесни дека отиде најдобриот од нас. Овој собир излезе од рамките на пораката која ја остави да нема никакви комеморативни собири но неговата величина просто е таква што тој веќе не можеше да влијае“.
„Беше голем Југословен и по генетика но пред сè по определување. Стана Белграѓанец (инаку роден Мостарец) и ми викаше: „Дојдов во главниот град на Југославија“. Јас и денес кога ќе ја слушнам химната на Југославија се сеќавам на таа генерација како стои на победнички подиум. И денес станувам кога ќе ја слушнам, а ќе биде засвирана и денес на испраќањето на Праја (Дражен Далипагиќ). Многу ја сакаше Југославија, ја сметаше за аксиом, нешто што не се објаснува“, рече Вујошевиќ.

извор

Миовски пред Шкотска: Време е за заедништво - поддршката од публиката ни е ептен потребна!

2 октомври 2026

Напаѓачот на македонската фудбалска репрезентација и член на шкотскиот великан Глазгов Ренџерс, Бојан Миовски, побара максимална сплотеност и најави поинаков пристап пред утрешниот дуел против Шкотска во Лигата на нации од 20:45 часот.
По воведните порази од Швајцарија и Словенија, нашиот голгетер верува дека излезот од резултатската криза лежи исклучиво во тимската игра. Свесен за притисокот по лошиот старт, Миовски потенцираше дека сега е моментот зборовите да се преточат во дела на зелениот терен.
„Секој период во репрезентацијата носи свои предизвици. Немаме посакувани резултати како што очекувавме, но сега сме во момент кога треба да покажеме заедништво. Можеме да зборуваме многу, да кажуваме било што, но сега треба да бидеме тим и тоа на дело да го докажеме на терен“, изјави Миовски.
„Ние играме дома и мораме да бидеме како еден колектив, не сме селекција која може да се потпре на индивидуален квалитет. Ако бидеме колектив, ќе се вратат резултатите. Фудбалот се игра за публика, колку е пополн стадионот, толку и самодовербата е поголема. Знаеме и свесни сме дека сме во криза, затоа ги повикувам сите навивачи да ни ја дадат поддршката сега кога е најтешко.“

извор

Седлоски: Не дека селекторот се вади, но факт е дека националните тимови во Б дивизијата се подобри

2 октомври 2026

„Овие момци тука кои се, ве молам дајте им поддршка на сите. Ја подмладивме репрезентацијата, уште ќе подмладувам. Критиките нека одат кај мене, а јас по договор со федерацијата ќе подмладувам. Сакаме да создадеме нови играчи, го кажав тоа по мечот во Љубљана и на тој процес останувам до крај.
Играме во Лигата Б, не е дека селекторот се вади, туку факт е дека националните тимови се подобри. Кога доаѓав, знаев каде влегувам и знаев со какви репрезентации се игра. Кога игравме и во Лигата Ц се мачевме и во нападот и со головите. Работам, гледам, следам и знам што правам.
Спремни сме да излеземе на терен, да покажеме карактер и она што го играме во Словенија, од кое можам да бидам задоволен освен од резултатот, да продолжиме во тој ритам, да не се браниме.“, изјави Седлоски.

извор