- Најмалку 11 лица биле убиени а 12 повредени во неделата откако избила вооружена престрелка на фудбалски терен во централен Мексико, во државата Гванахуато. Нападот се случил во местото Лома де Флорес во градот Саламанка на фудбалски стадион.
- Сведоци раскажале дека вооружените напаѓачи излегле од две комбиња и веднаш започнале да пукаат кон играчите и гледачите на стадионот за аматерски фудбал.
- Мексико е еден од домаќините на Светско првенство во фудбал 2026. Мундијалот во оваа земја ќе се игра во Мексико Сити, Гвадалахара и Монтереј. На стадионот „Ацтека“ во Мексико Сити ќе се одржат пет натпревари од Светското меѓу кои и оној на отворањето, а на другите два стадиони ќе има по четири натпревари.
- На овие стадиони ќе се одржат и два натпревари од меѓуконтиненталниот бараж закажан за март годинава.
- Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
- Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
- „Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
- Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.
- Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
- „Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
- За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.
