- Долгогодишен фудбалски работник Драган Томовски информираше дека до ФИФА, до канцеларијата на ИФАБ, како и до директорот за иновации при УЕФА, Звонимир Бобан, доставил патент кој нуди решение за „крадењето време“ кое произлегува од симулирање фаули.
- Идејата на Томовски е поддржана од Дарко Панчев, Саша Ќириќ, Ѓоко Хаџиевски и Атанас Костовски. Кобра планира да му ја пренесе и лично на Бобан.
- „Навистина ми се допаѓа идејата околу проблематиката за „крадењето“ време. Со ова решение всушност времето украдено од поединци во регуларниот дел низ судиското продолжение би се дуплирало, и на тој начин би се дестимулирале екипите, тренерите и играчите за симулации и калкулации“, вели Панчев за ЕКИПА.мк
- „Разговаравме и за евентуалните груби стартови кои понекогаш се намерни. Идејата беше кога играч ќе биде повреден од груб старт, ако се заклучи дека е намерен, играчот кој го направил стартот да биде суспендиран колку што би паузирал повредениот играч. Можеби изгледа на екстремно решение, но би дозволил секој играч понатаму да размисува на каков начин би влегувал во одредени стартови, затоа што со самото тоа тој самиот би се казнил“.
Фото: Epa Images
- Откако во четвртокот вечер Барселона стана нов шампион на Шпанија, а Реал Мадрид остана и без трофеи во Кралскиот Куп, Суперкупот на Шпанија и Лига на шампиони, управата на клубот реши веднаш да почне со сериозна работа за следната сезона.
- Според Фабрицио Романо, Реал веќе го договорил 20-годишниот стопер Дин Хојсен од Борнмут. Хојсен е висок 1.95 игра како класичен централен дефанзивец. Интересно тој е роден во Амстердам, Холандија а неодамна реши да игра за репрезентацијата на Шпанија. „Кралевите“ ќе ја активираат откупната клаузула од 60 милиони евра и тоа во три рати по 20 милиони евра.
- Кариерата ја започнал во шпанска Коста Унида од каде оди во Малага. Во 2021-ва Јувентус го донесе како огромен потенцијал но никогаш не доби шанса во Торино. Го пратија на позајмица во Рома а од таму потпиша со Борнмут. Сезонава на 30 меча имаше 3 гола и 1 асистенција во англиската Премиер лига. Важи за огромен талент и еден од најдобрите млади стопери на денешницата.
- Уништена фасада поради протекување на атмосферска вода, недовршени тоалети, лоша изведба на влезните врати, лажно запишана опрема за греење и ладење, непостоечка автоматска дојава на пожар иако истата е запишана дека е изведена, незавршени молерофарбарските работи, како и кородирање на челичната конструкција поради лоша обработка, пишува mms.mk за состојбата во која се наоѓа стадионот на Брегалница.
- Авансот за стадионот во Штип од страна на УЕФА е исплатен уште во 2021 година, но до овој момент реконструкцијата ни одблизу не е завршена.
- Финалниот рок за завршување на сите работи и технички прием на западната трибина на стадионот во Штип е 31.07.2025 година.
