- По опсежните акции пред неколку недели кога стотина функционери, фудбалери, тренери, коментатори и судии беа уапсени и приведувани под сомнение дека биле дел од голем верижен ланец за местење натпревари, турската полиција повторно апсела фудбалери.
- Турскиот суд сега во притвор ставил 20 осомничени фудбалери меѓу кои има и фудбалери од најдобрата тамошна Суперлига.
- Уапсен е фудбалерот на Галатасарај Турчинот Метехан Балтачи и играчот на Фенербахче, Турчинот Мерт Хакан Јандаш, како и поранешниот претседател на Адана Демирспор Мурат Санчак. Балтачи пред судот рекол дека тој уплатил пари на неколку натпревари кога играл за младинците и дека не го сторил тоа кога го прекомандувале во прв тим на Галатасарај.
- Јандас пак од Фенербахче категорично одбил каква било вмешаност во обложување, пишува турски Сабах.
- Вечерва од 21 часот ќе се одиграат сите 18 натпревари од последното коло на Лига на шампиони. Во вторникот вечерта немаше фудбал, сите натпревари се закажани за вечерва. Дури 32 екипи од вкучно 36 имаат шанса за пласман во следна рунда.
- Арсенал и Баерн Минхен се сигурни патници директно во осминафинале, а за разигрување шанси имаат голем број екипи. Од 6-то до 13-то место има група клубови со по 13 бода и сите ќе бркаат директен пласман во 1/8 финале и ќе се потрудат да избегнат доигрување.
- На крајот тимовите пласирани од 9-то до 24-то место ќе играат во доигрување за пласман во осминафинале. 9-от и 10-от ќе играат против екипите кои се на 23-то и 24-то место, 11-от и 12-от ќе играат против 21 и 22 на табела и така натаму.
- Дербито на вечерта се игра во Париз каде ПСЖ ќе го пречека Њукасл во директен дуел за место кое води право во 1/8 финале.
- Ракометарите на ЕП се соочуваат со турбо распоред, кој предвидува два натпревари за помалку од еден ден. Причината е усогласување на крајот на двете групи во Малме и Хернинг, пред полуфиналиња во петок и финалниот дел во недела.
- Се погласни се реакции дека ваквиот систем е опасен по здравјето на играчите. Поранешниот играч на Металург и Вардар, Лука Циндриќ реагираше после победата над Словенија.
- Се ме боли. Играме за помалку од 24 часа. Оној што го смислил овој распоред, сигурно никогаш не се занимавал со спорт. Се жртвуваме цели подготовки, а потоа по шестиот или седмиот меч играме меч од кој ни зависи полуфиналето. И после тоа нов натпревар за помалку од 24 часа. Тешко е и премногу интензивно. Не можеш да се регенирираш ни за два дена, а камоли за еден. Ова не е здраво за никого.
