Offside › Набрзинка

Влегува Дубаи и во Евролига со свој клуб

10 јануари 2024

Според пишувањата на шпански Мундо Депортиво, раководството на Евролига е близу договор со Обединети Арапски Емирати кои би вложиле 150 милиони евра во следните шест години, а за возврат би добиле свој клуб учесник во најдобрата европска кошарка.
Иако челните луѓе на лигата извесно време негираат каков бил договор, сепак во интервју за Баскетњуз, извршниот директор Литванецот Паулиус Мотиејунас рекол дека шансите за клуб од Дубаи да заигра во Евролига од следната сезона 2024/2025 се 50%.
Економскиот договор е одоборен на последниот состанок меѓу челните луѓе на лигата во ноември 2023-та а само Макаби Тел Авив бил против. Сопственици на Евролига се 13 клубови: Барселона, Реал Мадрид, Басконија, Олимпијакос, Панатинаикос, Анадолу Ефес, Фенербахче, Макаби Тел Авив, Жалгирис, Армани Милано, ЦСКА Москва, Баерн Минхен и АСВЕЛ Вилербан. Според договорот секој од овие клубови во следните пет сезони би добил по еден милион евра.

извор

Нова маркација на планинарските патеки на Шар Планина кои беа оштетени годинава

30 октомври 2026

На потегот од Попова Шапка до Титов Врв на Шар Планина се поставени нови ознаки и патокази кои беа оштетени во август годинава, информираат од службата за односи со јавност при „Славков проект – Обележување на планинарски патеки во Македонија“, поддржан од амбасадите на Австрија, Чешка и Словачка.
Од „Славков проект“ информираат дека по промоцијата следува и промотивно планирање со локални планинарски организации (повеќето од нив партнери во проектот), како и љубители на природата.
„Групата ја предводеа локални планинари, заедно со врвниот чешки алпинист Марек Холечек – добитник на престижната награда ‘Златен цепин’ (Piolet d’Or) во два наврати и специјален гостин на тековниот филмски фестивал ‘EХO’ во Скопје“, се вели во соопштението.

извор

Изненадување од Аеродром: МЗТ Скопје го отпушти Васко Атанасов

30 октомври 2026

Шампионот на Македонија, МЗТ Скопје Аеродром објави дека ја заврши соработката со досегашниот тренер Васко Атанасов. Оваа одлука доаѓа по серијата порази, од кои последниот од Струмица во Суперлигата на Македонија
Клубот соопшти дека соработката е раскината спогодбено со договор на двете страни. Од МЗТ му се заблагодарија на Атанасов за сработеното во клубот.
Васко Атанасов беше на чело на „штрковите“ од 2023 година кога седна на клупата и со доста успех го водеше тимот. Тој стана најмладиот стратег кој го освои пехарот во македонската кошарка, четири пати беше национален првак, а освои и по три Куп и Суперкуп-трофеи.

извор