Offside › Набрзинка

Ван дер Варт: „Роналдо беше егоистичен и себичен“, Кристијано: „Кој е овој дечко“?

6 декември 2024

Во сезоната 2009/2010 под водство на тренерот Мануел Пелегрини во Реал Мадрид заедно играа Кристијано Роналдо и Рафаел Ван дер Варт.
Холанѓанецот таа сезона постигна 7 гола и имаше 7 асистенции на 31 меч а Кристијано имаше 33 погодоци на 35 натпревари. Во еден подкаст Ван дер Варт кој зборува отворено на граница на пристојност рекол дека Роналдо бил толку опседнат со тренинзите, со исхраната, со диетите што секогаш останувал на терен подолго од другите и „никогаш дури и не го видел неговиот п**ис во тушевите во соблекувална зошто цело време бил отсутен“.
Холанѓанецот вели дека Роналдо бил несреќен кога екипата ќе победела 6:0 а тој не дал гол и би бил среќен кога тимот ќе изгубел а тој пример дал два гола. На објавата на овој подкаст на еден португалски сајт, Роналдо искоментирал: „Кој е овој дечко“?

извор

Миовски пред Шкотска: Време е за заедништво - поддршката од публиката ни е ептен потребна!

2 октомври 2026

Напаѓачот на македонската фудбалска репрезентација и член на шкотскиот великан Глазгов Ренџерс, Бојан Миовски, побара максимална сплотеност и најави поинаков пристап пред утрешниот дуел против Шкотска во Лигата на нации од 20:45 часот.
По воведните порази од Швајцарија и Словенија, нашиот голгетер верува дека излезот од резултатската криза лежи исклучиво во тимската игра. Свесен за притисокот по лошиот старт, Миовски потенцираше дека сега е моментот зборовите да се преточат во дела на зелениот терен.
„Секој период во репрезентацијата носи свои предизвици. Немаме посакувани резултати како што очекувавме, но сега сме во момент кога треба да покажеме заедништво. Можеме да зборуваме многу, да кажуваме било што, но сега треба да бидеме тим и тоа на дело да го докажеме на терен“, изјави Миовски.
„Ние играме дома и мораме да бидеме како еден колектив, не сме селекција која може да се потпре на индивидуален квалитет. Ако бидеме колектив, ќе се вратат резултатите. Фудбалот се игра за публика, колку е пополн стадионот, толку и самодовербата е поголема. Знаеме и свесни сме дека сме во криза, затоа ги повикувам сите навивачи да ни ја дадат поддршката сега кога е најтешко.“

извор

Седлоски: Не дека селекторот се вади, но факт е дека националните тимови во Б дивизијата се подобри

2 октомври 2026

„Овие момци тука кои се, ве молам дајте им поддршка на сите. Ја подмладивме репрезентацијата, уште ќе подмладувам. Критиките нека одат кај мене, а јас по договор со федерацијата ќе подмладувам. Сакаме да создадеме нови играчи, го кажав тоа по мечот во Љубљана и на тој процес останувам до крај.
Играме во Лигата Б, не е дека селекторот се вади, туку факт е дека националните тимови се подобри. Кога доаѓав, знаев каде влегувам и знаев со какви репрезентации се игра. Кога игравме и во Лигата Ц се мачевме и во нападот и со головите. Работам, гледам, следам и знам што правам.
Спремни сме да излеземе на терен, да покажеме карактер и она што го играме во Словенија, од кое можам да бидам задоволен освен од резултатот, да продолжиме во тој ритам, да не се браниме.“, изјави Седлоски.

извор