Offside › Набрзинка

Валентина Радуловиќ се оградува од постапките на ракометарките

14 ноември 2024

Претседателката на ЖРК Скопје, Валентина Радуловиќ која беше на клупата на срамниот меч против ЖРК Гевгелија, се соочи со две годишна суспензија во ракометот. Според изјавата за 24 ракомет, таа не барала од ракометарките намерно да го загубат мечот.
„Ја добив одлуката на РФМ за казната. Седев на клупата и бев официјално лице, но во ниту еден момент не побарав, ниту влијаев на ракометарките да играат или да се однесуваат онака на теренот како што тие играа“, вели поранешната македонска репрезентативка.
„Чудно е што РФМ ги закажа сега овие натпревари од Купот, наместо на пролет. Тие беа известени дека не сакаме доброволно да играме во Купот бидејќи сме нов клуб и немаме спонзори, а ниту помош од државата како другите клубови“.

ЖРК Скопје и ЖРК Гевгелија се збогуваа со играње ракомет

извор

Барселона го претстави првото скапо летно засилување

30 мај 2026

Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
Напаѓачот доаѓа како замена за Рашфорд и Левандовски кои заминуваат од Барселона.
Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.

извор

Со овации испратен во пензија највозрасниот ракометар во Македонија

28 мај 2026

45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
Искусниот голман го одигра последниот натпревар во својата неверојатно долга кариера која ја започнал во 1997-ма година.
Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.

извор