- Владимир Зеленски, претседателот на Украина побарал од ФИФА да му дозвили да се обрати преку видео-порака пред почетокот на големото финале на Светското првенство во Катар во недела меѓу Аргентина и Франција.
- Светската фудбалска организација (ФИФА) го одбила ова барање, па од канцеларијата на украинскиот претседател биле непријатно изненадени. Киев веќе неколку месеци се обидува да ги користи големите светски настани со цел да го сврти вниманието кон себе во воениот конфликт со Руска Федерација.
- Зеленски претходно се јавуваше со видео-повик на Самитот на Г-20, на Греми наградите и на Канскиот филмски фестивал.
- Триесет и три годишниот десен бек Стефан Ристовски е нов член на ФК Сараево. Некогашниот македонски репрезентативец кој настапи и на првото историско Европско првенство за Македонија, неколку месеци беше слободен играч откако му истече договорот со Динамо Загреб.
- Ристовски забележа 206 настапи за Динамо (185 официјални натпревари), постигна 7 гола и 21 асистенција. Скопјанецот освои 8 трофеи со „модрите“ од Загреб: 4 шампионски титули во Хрватска, два пехари во Купот и два Суперкупа на оваа земја. 4 пати играше во групна фаза на еврокупови од кои 2 пати во Лига на шампиони против најсилните европски клубови.
- Ристовски од денес и официјално е член на ФК Сараево.
- Легендарниот среден бек Филип Миркуловски се врати во Македонија по десетина години и ќе биде дел од Ракометната федерација како координатор на сите машки репрезентации.
- Миркуловски ќе соработува со селекторите на сите генерации – Кире Лазаров, Наум Танески и Горан Кузманоски и ќе помага во развојот на младинските категории.
- Славниот македонски репрезентативец, кратко време беше дел од стручниот штаб на Лазаров во сениорската репрезентација, но Вецлар беше пречката за паралелна работа.
- „Мора да направиме пионерска категорија, со кадетите веќе се доцни долго време, мора да им дадеме предност на тие млади деца за да можеме да ги стигнеме сите врвни селекции. Сакам да вложам многу труд и можам многу да придонесам, тоа го имам видено во Германија“, вели Жути
