Offside › Набрзинка

УЕФА: Се извинуваме за медалите, се појавија повеќе играчи од што се очекуваше

23 мај 2025

УЕФА се извини што им снема медали за време на церемонијата на доделувањето на трофејот во финалето од Лига Европа против Манчестер Јунајтед.
Тројца играчи на Тотенхем останаа со празни раце и тоа Сон Мин (капитен на тимот), Кристијан Ромеро (најдобар играч на финалето) и Родриго Бентанкур (клучен играч во средниот ред).
„На наше големо незадоволство, немавме доволно медали на располагање на сцената за време на церемонијата на доделување на трофеите поради неочекувано несовпаѓање со бројот на играчи. Повеќе членови на тимот, вклучувајќи ги и повредените играчи, учествуваа на церемонијата отколку што првично се очекуваше. Медалите кои недостасуваа беа веднаш доставени до победничкиот тим во соблекувалната, заедно со нашите искрени извинувања за пропустот.“

УЕФА тутурутки, им снема медали за Сон, Ромеро и Бентанкур

извор

Дарио Ивановски со огромен успех на Белградски маратон

20 април 2026

Најдобриот македонски атлетичар Дарио Ивановски направи фантастичен успех и уште еднаш покажа дека е во врвна форма откако на големиот маратон во Белград заврши како второпласиран со време од 2:09:35. Дарио не постави свој личен рекорд но ова е фантастичен резултат ако се земе предвид големата конкуренција на српскиот маратон.
Прв на Белградскиот маратон заврши Гемсиса Гада од Етиопија со рекорд на патеката од 2:08:08. Третото место го освои Кениецот Јохана Ерот кој после долго водство на патеката заостанал во последните пет километри и трката ја завршил со 02:09:55.
Дарио Ивановски имаше одличен втор дел од трката каде од четвртото место успеа да стигне до втора позиција. Годинава белградскиот маратон кој е еден од најголемите во Европа, имаше изменета траса. Белград ќе биде и домаќин на Европското првенство во трчање во 2027-ма година, а Белградскиот маратон оваа година беше во изменет формат односно полумаратонот и трката на 10 километри се одржаа ден порано, во саботата, пред главниот настан маратонот во неделата. Оваа манифестација послужила како генерална броба пред Европското првенство.
Ивановски е олимписки стипендист на Македонскиот олимписки комитет.

извор

Ужас во Еквадор, убиен е судија на сред натпревар

17 април 2026

Фудбалскиот судија Хавиер Ортега (48) бил убиен на терен за време на аматерски натпревар одигран во Пасахе, Еквадор.
Играчите и навивачите вриштеле и барале да се засолнат, а судијата починал на лице место.
Вооружените лица веднаш избегале и сè уште се на слобода.
Во декември лани, еквадорскиот репрезентативец Марио Пинеда беше убиен во пукотница, а неговата мајка ранета додека излегувала од месарница во населбата Саманес во Гвајакил. Двајца осомничени мажи беа уапсени.

извор