- Европската фудбалска Унија (УЕФА) го одбила барањето на солунски ПАОК да го помести нивниот натпревар од Лига Европа против Лион закажан за четврток вечер. ПАОК побарал од УЕФА поради стравичната сообраќајна несреќа во која загинаа 7 навивачи на грчкиот клуб, натпреварот да се одложи за друг термин.
- Првиот човек на солунскиот клуб Иван Савидис ја опишал загубата како неопислива трагедија, а Лион потврдил дека пред натпреварот ќе одржи минута молк за загинатите навивачи на ПАОК.
- Во страшна сообраќајна несреќа во Романија, близу градот Темишвар, на пат кон Франција на дуел против Олимпик Лион од Лига Европа, загинале 7 навивачи на солунски ПАОК.
- Несреќата се случила кога комбето во кое се превезувале во обид да претекне возило пред себе, налетува на голем товарен камион во другата лента.
- На видео снимки се гледа моментот на сударот снимен од камион зад комбето на кое се гледа како возилото буквално се распрснува во момент на сударот.
- Како што пишуваат грчките медиуми, навивачите на ПАОК кој биле 10 во несреќното комбе, го одбрале патот преку Бугарија, Романија и Унгарија зошто тие држави се дел од ЕУ и патувањето е полесно со оглед на тоа што нема задржување на граници. Поблизок пат би им бил преку Македонија, Србија и БиХ но во овие земји би поминувале пасошки контроли.
- Кошаркарската федерација на Македонија ја информира јавноста дека донесе одлука за именување на г. Жозеп Мариа Берокал за селектор на машката сениорска репрезентација на Македонија.
- Берокал е искусен шпански тренер со импозантно портфолио зад себе, со повеќе од 35 години тренерско искуство, од кои 21 година во професионална кошарка, како и 14 години искуство во Евролигата, најелитното европско клупско натпреварување, соопштуваат од КФМ и додаваат:
- Неговиот професионален ангажман вклучува работа во врвни европски клубови како Барселона, Панатинаикос, Басконија, Макаби од Тел Авив, Баерн Минхен, како и во повеќе национални првенства на највисоко ниво (AЦБ – Шпанија, Евролигата, израелската лига, Лигата на Турција, украинската лига и други).
- Г. Берокал соработувал со некои од најголемите имиња во светската кошарка, меѓу кои: Светислав Пешиќ Чави Пасквал, Душко Ивановиќ, Јоргос Барцокас, Велимир Перасовиќ, Одед Каташ и Гордон Херберт, што дополнително го потврдува неговиот стручeн и професионален кредибилитет.
