- Деветнаесет годишниот Алкис Камбанос од градот Верија е нова жртва на навивачките безумија во соседна Грција. Тој бил убиен со тврд, остар предмет (најверојатно срп) во вторникот после полниќ во квартот Харилау близу стадионот на фудбалскиот клуб Арис во Солун.
- Алкис бил со двајца другари кога бил нападнат од хулигани кои излегле од две возила. Камбанос бил неколку пати прободен со нож во пределот на бутниот мускул и искрварил на лице место а неговите другари биле префрлени на интензивна нега во болницата Папаниколау.
- Според извештаите од грчките медиуми, напаѓачите биле припадници на некоја од навивачките подгрупи на ПАОК од Солун а жртвите биле следбеници на градскиот ривал Арис.
- Полицијата во Солун смета дека најмалку 10 лица се вмешани во нападот и убиството, а премиерот Кирјакос Мицотакис изразил длабока жалост за изгубениот млад живот и побарал итна истрага за случајот. Жртвата бил прва година на Економија и Политички науки на универзитетот Аристотел во Солун.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
