- Еден од најдобрите македонски интернационалци низ годиниве, Иван Тричковски својата кариера ќе ја продолжи на Кипар каде игра веќе повеќе од 9 години.
- Некогашниот македонски репрезентативец има богата кариера а многу е почитуван на Кипар каде претходно со АПОЕЛ играше и во Лига на шампиони, а за АЕК Ларнака каде беше капитен, на 278 натпревари постигна 178 голови со 29 асистенции.
- На Иван летово му заврши договорот со АЕК Ларнака а тој денес потпиша договор со АЕЛ Лимасол кој исто е при самиот врв на кипарскиот фудбал и игра во еврокуповите речиси секоја сезона.
- За репрезентацијата на Македонија Тричковски забележа 67 настапи и постигна девет гола. Од националниот дрес се прости со настап на големото Европско првенство во 2021-ва година.
- Пред натпреварот Ница - Рома (1-2) од 1. коло во Лига Европа, француската полиција осуетила и привела повеќе од 100 навивачи на Рома меѓу кои нашле арсенал студено оружје, палки, метални шипки, боксувачи, димни бомби и др.
- 28 навивачи од Рим по брза судска постапка биле осудени на минимум 2-месеци затвор во Ница и таму ќе останат најмалку до крајот на ноември. На оние кои се ресидивисти, односно кои го повториле делото и биле учесници во инциденти и нереди на натпреварите против Тотенхем, Билбао и Сервет, им се заканува и затворска казна до 5 години. Обвинителството во Ница им ги одбило барањата за депортација. Останатите 89 биле депортирани назад во Италија на нивен трошок.
- Рома победи 1-2 со головите на двајцата стопери Еван Ндика и Џанлука Манчини.
- Како што беше објавено веднаш по трагедијата, Ливерпул остана на зборот и целосно го исплати преостанатиот дел од договорот на семејството на Диого Жота.
- Португалецот имаше уште две сезони договор со клубот од Енфилд. Потврдата стигна од Арне Слот.
- „Неколку пати повторив колку бев горд на реакцијата на навивачите во тие денови. Сопствениците се претежно оние кои критикуваат, како и тренерите. Но, начинот на кој се справија со целата оваа ситуација... Тие им ги исплатија на сопругата и децата на Диого сите пари од договорот. Можеби луѓето мислат дека тоа е нормално, но тоа не е нормално во фудбалот“, рече тренерот на Ливерпул.
- Ливерпул, исто така, направија нешто што никогаш порано не го направие. Го повлекоа бројот 20 во сите младински категории и во првиот тим.
