- Италијанскиот прволигаш Комо објави бомба засилување, а тоа е Алваро Мората кој го ангажираа на позајмица од Милан.
- Кој би рекол дека 32 годишниот шпански напаѓач кој играше во клубови како Реал Мадрид, Атлетико Мадрид, Јувентус, Челси и Милан, еден ден ќе го облече дресот на Комо.
- „Навистина сум среќен што пристигнав во Комо. Минатата година, играјќи против нив, го видов и го ценев тимот и проектот. Се гледа дека имаат големи амбиции. Им ветувам на навивачите и на клубот дека ќе дадам 200% на секој тренинг и на секој натпревар. Едвај чекам да го носам овој дрес“, вели Мората кој има 86 репрезентативни настапи и 37 гола и кој беше капитен на Шпанија која триумфираше на ЕП 2024 и Лига на нации 2023
- „Го познавам Алваро многу години и отсекогаш сум се восхитувал на начинот на кој игра и се однесува. Тој е интелигентен напаѓач кој дава резултати во најголемите моменти и соиграч кој ги крева сите околу себе. Многу сме среќни што го имаме тука во Комо“, изјави Сеск Фабрегас.
- Откако го купија браќата Хартоно од Индонезија, рангирани на 64-то и 66-то место меѓу најбогатите луѓе според Форбс во 2022 година и најбогатите сопственици на фудбалски клубови во Италија во 2024 година, Комо се врати во Серија Б, а лани, за прв пат по 21 година, беше промовиран во Серија А.
- Дарко Панчев се расплака на промоцијата на биографската книга посветена на легендарниот фудбалер Васил Рингов „Фудбал под сенка“, чиј автор е новинарот Срѓан Ивановиќ. Тој сподели приказни за Рингов кој почина лани на 23 декември и рече дека бил лидер на две генерации во ФК Вардар.
- „Тој опфати две генерации, една постара, и потоа продолжи да игра и со нас помладите кои се вклучивме по пет-шест години. И многу е битно дека тој беше лидер во двете генерации. Беше исклучително интелигентен, паметен и забавен. За играчките способности не се зборува, феноменален играч“.
- „Васе, јас и Горде Здравков кој исто е тука, како напаѓачка тројка напред бевме најефикасни во тоа Југословенско првенство една година. И навистина бевме страв и трепет, и беше големо задоволство да се игра со него. За неговите човечки врлини, синот Марио и фамилијата знаат повеќе, но и ние многу добро го знаеме и навистина беше топ човек, рече фудбалаката легенда низ солзи“.
- Најдобриот македонски атлетичар Дарио Ивановски направи фантастичен успех и уште еднаш покажа дека е во врвна форма откако на големиот маратон во Белград заврши како второпласиран со време од 2:09:35. Дарио не постави свој личен рекорд но ова е фантастичен резултат ако се земе предвид големата конкуренција на српскиот маратон.
- Прв на Белградскиот маратон заврши Гемсиса Гада од Етиопија со рекорд на патеката од 2:08:08. Третото место го освои Кениецот Јохана Ерот кој после долго водство на патеката заостанал во последните пет километри и трката ја завршил со 02:09:55.
- Дарио Ивановски имаше одличен втор дел од трката каде од четвртото место успеа да стигне до втора позиција. Годинава белградскиот маратон кој е еден од најголемите во Европа, имаше изменета траса. Белград ќе биде и домаќин на Европското првенство во трчање во 2027-ма година, а Белградскиот маратон оваа година беше во изменет формат односно полумаратонот и трката на 10 километри се одржаа ден порано, во саботата, пред главниот настан маратонот во неделата. Оваа манифестација послужила како генерална броба пред Европското првенство.
- Ивановски е олимписки стипендист на Македонскиот олимписки комитет.
