Offside › Набрзинка

Топ 10 најбогати фудбалери во 2024-та

28 октомври 2024

50% од 10-те најплатени спортисти во светот се од фудбалот, покажуваат податоците на Форбс. И покрај тоа што се при крај со кариерата, Роналдо и Меси и натаму доминираат. Првиот со 800, а вториот со 650 милиони долари.
Пред нив има само двајца, далеку побогати играчи на кои парите не им се заработени од фудбал.
Првиот е Фаик Болкиах, роден во кралското семејство на Брунеи и внук на султанот Хасанал Болкија. Неговото кралско наследство и огромно семејно богатство контролирано од султанот е главно од големите резерви на нафта и гас и надминува 20 милијарди долари.
Втор е Матје Фламини кој се прослави во Арсенал и Милан и кој во 2008-ма година, додека сè уште беше активен фудбалер, заедно со италијанскиот претприемач Пасквале Граната, го коосноваа GF Biochemicals.
Се работи за компанија специјализирана за производство на левулинска киселина, која е био-базирана алтернатива на нафтата и може да се користи за создавање различни производи традиционално направени од фосилни горива, како што се пластика и детергенти.
Компанијата сега се проценува на околу 30 милијарди, а личното богатство на Фламини е околу 15 милијарди евра.

извор

Миовски пред Шкотска: Време е за заедништво - поддршката од публиката ни е ептен потребна!

2 октомври 2026

Напаѓачот на македонската фудбалска репрезентација и член на шкотскиот великан Глазгов Ренџерс, Бојан Миовски, побара максимална сплотеност и најави поинаков пристап пред утрешниот дуел против Шкотска во Лигата на нации од 20:45 часот.
По воведните порази од Швајцарија и Словенија, нашиот голгетер верува дека излезот од резултатската криза лежи исклучиво во тимската игра. Свесен за притисокот по лошиот старт, Миовски потенцираше дека сега е моментот зборовите да се преточат во дела на зелениот терен.
„Секој период во репрезентацијата носи свои предизвици. Немаме посакувани резултати како што очекувавме, но сега сме во момент кога треба да покажеме заедништво. Можеме да зборуваме многу, да кажуваме било што, но сега треба да бидеме тим и тоа на дело да го докажеме на терен“, изјави Миовски.
„Ние играме дома и мораме да бидеме како еден колектив, не сме селекција која може да се потпре на индивидуален квалитет. Ако бидеме колектив, ќе се вратат резултатите. Фудбалот се игра за публика, колку е пополн стадионот, толку и самодовербата е поголема. Знаеме и свесни сме дека сме во криза, затоа ги повикувам сите навивачи да ни ја дадат поддршката сега кога е најтешко.“

извор

Седлоски: Не дека селекторот се вади, но факт е дека националните тимови во Б дивизијата се подобри

2 октомври 2026

„Овие момци тука кои се, ве молам дајте им поддршка на сите. Ја подмладивме репрезентацијата, уште ќе подмладувам. Критиките нека одат кај мене, а јас по договор со федерацијата ќе подмладувам. Сакаме да создадеме нови играчи, го кажав тоа по мечот во Љубљана и на тој процес останувам до крај.
Играме во Лигата Б, не е дека селекторот се вади, туку факт е дека националните тимови се подобри. Кога доаѓав, знаев каде влегувам и знаев со какви репрезентации се игра. Кога игравме и во Лигата Ц се мачевме и во нападот и со головите. Работам, гледам, следам и знам што правам.
Спремни сме да излеземе на терен, да покажеме карактер и она што го играме во Словенија, од кое можам да бидам задоволен освен од резултатот, да продолжиме во тој ритам, да не се браниме.“, изјави Седлоски.

извор