Offside › Набрзинка

Тадиќ: Нека пресуди струката и јавноста дали и понатаму би бил корисен

18 јули 2024

Она што Телеграф го тврдеше, по само еден ден доби потврда. 35 годишниот капитен на Србија, Душан Тадиќ се повлекува од репрезентација после 111 натпревари, 29 гола, 40 асистенции, како и учество на два Мундијали, ЕП и Олимписки игри.
„Нагласувам дека немав намера да ги навредувам моите соиграчи или некој друг кој беше дел од тимот на Србија во Германија.
Донесов одлука да се збогувам со дресот на српската репрезентација. Дали би можел да бидам корисен и во иднина, нека суди професијата, јавноста или кој се чувствува поканет да разговара за тоа и мисли дека е дел од фудбалската средина.
Репрезентацијата отсекогаш била љубов за мене. Љубов кон земјата, народот, играта, натпреварување, дружење... Заедно поминавме многу радост, тага, насмевки, крв, среќа, а имаше многу болка и страдање. Ниту еден клупски неуспех не може да боли како репрезентативен, но и ниту еден клупски успех не може да донесе радост како успехот во дресот на Србија. Со големо задоволство се борев и го одбранив грбот на репрезентацијата“, стои во дел од неговото соопштение.

извор

Гест за почит на РК Пролет кон семејството на Јовиќ

21 јануари 2025

По ненадејната смрт на Александар Јовиќ, од управата на Пролет соопштија дека договорот што го имаше стратегот до крајот на оваа сезона, ќе биде исплатен на неговото семејство.
Клубот беше приморан да назначи негова замена, па го одбра Никола Матлиевски кој и во минатото го водеше Пролет.
Смртта на Александар Јовиќ ја шокираше македонската ракометна јавност. Почина на 51 година на денот на одигрување на првиот меч на Македонија на Мундијалот.

извор

Митревски: Горев од температура заедно со неколкумина, но стиснавме заби

21 јануари 2025

Кире Лазаров пред мечот со Австрија се соочил со проблеми околу составот. Никола Митревски и Ненад Костески имале температура, а Томислав Јагуриновски останал во хотел. Проблеми имал и Мартин Велковски.
„Пред мечот горев, но не мислев да се откажам, а сличен проблем имаа уште неколкумина во нашиот тим, но и тие стиснаа заби“.
„Одиме напред, се развиваме, овие момци не се толку млади, не се неискусни. Знаат да играат на резултат, некогаш треба и малку среќа. На следното првенство ќе бидеме уште подобри“, вели 39 годишниот Никола Митревски кој брани одлично на ова СП.

извор