- Спортклуб денес напладне пишува дека трофејниот Светислав Пешиќ (75) решил да го напушти селекторското столче на српската репрезентација, на помалку од еден месец по сјајниот настап на кошаркарите на Србија на Олимписките Игри во Париз каде освоија бронзен медал.
- Договорот на легендарниот тренер кој веќе е во позни години, со српскиот сојуз важел до крајот на циклусот квалификации за Европско првенство кои продолжуваат во ноември годинава.
- Пешиќ претходно ја водеше селекцијата на Југославија со која од 2000 до 2002 освои злато и шампионски титули на Европско и Светсо првенство. Во понеделникот се навршија 22 години од последната шампионска титула која што ја освоила репрезентацијата на Југославија - онаа во Индијанаполис (САД).
- Промени има и на чело на Кошаркарскиот сојуз на Србија затоа што Предраг Даниловиќ пред неколку дена поднесе оставка и наскоро се очекува да биде избран негов наследник.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
