- Во подкастот Адмирал АБА токс со сјајниот Един Авдиќ, гости биле Жарко Паспаљ, Ацо Петровиќ и таткото на Лука Дончиќ, Саша.
- Меѓу стотина теми на разговор, генијалниот Един ги прашува гостите зошто во најново време денес некако се потценуваат најдборите кошаркари од регионов и нема некој од постарите легенди да каже онака од срце: „Да, тој е дефинитивно најдобар. Точка. Туку сè некои муабети во празно, вака онака, во наше време“.
- „Имаш работи кои се за кафана и некои други, што не значи дека е искрено. Сите ние сме играле и имаме свое мислење. Денес гледаме кошарка и не сакам да влегувам во тоа дали е полошо, подобро, помеко или потврди. Во моментов ги имаме господинот Никола Јокиќ и Лука Дончиќ како и гомила играчи од нашите простори. Што сега треба да влегуваме во некоја приказна која не може да се раскаже“, вели Паспаљ и не дава директен одговор на прашањето на Един Авдиќ зошто многу поранешни кошаркари не им оддаваат признание на најдобрите играчи од регионов во НБА Никола Јокиќ и Лука Дончиќ.
- Босанско-херцеговскиот портал СОП.ба пишува а хрватски Вечерњи лист пренесува дека некогашниот алфа&омега на Динамо Загреб кој од „модрите“ направи шампионски хегемон кој долги години владее во Хрватска, сега после долга пауза од фудбалот, планира да се врати.
- Здравко Мамиќ наводно, пишуваат во БиХ, е сериозно заинтересиран за влез во ФК Сараево, еден од потрофејните клубови во Босна и Херцеговина.
- Сараево во моментов е на трето место во првенството на БиХ и држи позиција која води во квалификации за Лига на Конференции. Сараево во својата историја има четири шампионски титули во БиХ и пет Купа. Сезонава се на прагот на шести трофеј во Купот откако во првиот меч од финалето кое се игра со реванш го совладаа Широки Бријег со 4-0.
- Шпанска Марка пишува дека Реал Мадрид на 25-ти мај ќе заврши една од најуспешните етапи во историјата на клубот, онаа со Карло Анчелоти кој им донесе 3 пехари во Лига на шампиони, 3 трофеи од Светско клупско првенство, 3 Суперкупа на Европа, 2 шампионски титули во Ла Лига, 2 Кралски Купа и 2 шпански Суперкупа.
- На 25-ти мај и официјално Анчелоти ќе замине од Реал а на негово место доаѓа Чаби Алонсо. Актуелниот тренер на Баер Леверкузен наводно веќе потпишал договор а со него ќе дојдат и други членови на стручниот штаб како што е Алберто Енсинас, кондициониот тренер кој ќе го замени легендарниот Антонио Пинтус кој беше задолжен за физичка подготовка на играчите под Анчелоти и Зидан.
- Први претставени засилувања за Реал со Чаби Алонсо треба да бидат Трент Александар-Арнолд и стоперот Џонатан Та.
