Offside › Набрзинка

Двестотини Чкембари со Пелистер доаѓаат на мегдан со Вардар во Скопје

25 септември 2024

фото: Гол.мк

Секоја чест за ракометната федерација на Македонија (РФМ) и ракометниот клуб Вардар 1961 кои прават сè што е во нивна можност, најголемото македонско дерби, РК Вардар 1961 - Пелистер да се игра со навивачи на двата тима.
Дербито од македонската Суперлига е на програма во сабота од 17:45 часот. Ова дерби веќе неколку сезони го следеа големи инциденти поради што неколку пати се играше без присуство на гостински навивачи, но сега тоа е повторно вратено во нормала.
Дербито секако не е дерби без гостинска публика која му дава и тоа како голем шмек на дуелот, без разлика каде се игра.
„Решивме оваа година да ги удостоиме навивачите на Еурофарм Пелистер да бидат дел од дербито. Преземени се сите мерки заедно со МВР, имавме состанок и со РФМ. Ова дерби се следи и надвор, би сакал сè да мине во најдобар ред. Ривалството е потребно но се надевам ќе остане во рамки на спортско и фер навивање. Четири автобуси од Битола би требало да дојдат на мечот во Скопје“, вели Андрија Нунев, оперативец на РК Вардар 1961.

извор

Миовски пред Шкотска: Време е за заедништво - поддршката од публиката ни е ептен потребна!

2 октомври 2026

Напаѓачот на македонската фудбалска репрезентација и член на шкотскиот великан Глазгов Ренџерс, Бојан Миовски, побара максимална сплотеност и најави поинаков пристап пред утрешниот дуел против Шкотска во Лигата на нации од 20:45 часот.
По воведните порази од Швајцарија и Словенија, нашиот голгетер верува дека излезот од резултатската криза лежи исклучиво во тимската игра. Свесен за притисокот по лошиот старт, Миовски потенцираше дека сега е моментот зборовите да се преточат во дела на зелениот терен.
„Секој период во репрезентацијата носи свои предизвици. Немаме посакувани резултати како што очекувавме, но сега сме во момент кога треба да покажеме заедништво. Можеме да зборуваме многу, да кажуваме било што, но сега треба да бидеме тим и тоа на дело да го докажеме на терен“, изјави Миовски.
„Ние играме дома и мораме да бидеме како еден колектив, не сме селекција која може да се потпре на индивидуален квалитет. Ако бидеме колектив, ќе се вратат резултатите. Фудбалот се игра за публика, колку е пополн стадионот, толку и самодовербата е поголема. Знаеме и свесни сме дека сме во криза, затоа ги повикувам сите навивачи да ни ја дадат поддршката сега кога е најтешко.“

извор

Седлоски: Не дека селекторот се вади, но факт е дека националните тимови во Б дивизијата се подобри

2 октомври 2026

„Овие момци тука кои се, ве молам дајте им поддршка на сите. Ја подмладивме репрезентацијата, уште ќе подмладувам. Критиките нека одат кај мене, а јас по договор со федерацијата ќе подмладувам. Сакаме да создадеме нови играчи, го кажав тоа по мечот во Љубљана и на тој процес останувам до крај.
Играме во Лигата Б, не е дека селекторот се вади, туку факт е дека националните тимови се подобри. Кога доаѓав, знаев каде влегувам и знаев со какви репрезентации се игра. Кога игравме и во Лигата Ц се мачевме и во нападот и со головите. Работам, гледам, следам и знам што правам.
Спремни сме да излеземе на терен, да покажеме карактер и она што го играме во Словенија, од кое можам да бидам задоволен освен од резултатот, да продолжиме во тој ритам, да не се браниме.“, изјави Седлоски.

извор