- „Чувствувам дека сум полн со сила, имам многу искуство и натпревари зад себе, мислам дека сега е вистински момент да одам некаде каде што можам да напредувам, да направам нови успеси, а можеби и да се преселам во нова лига“.
- „Впечатокот да ја победиш два пати Барселона е феноменален. Мислам дека оваа сезона тоа му успеа уште само на Баерн Минхен во ЛШ. На првиот меч одбранив пенал, а на другиот имав доста работа“.
- „Фалкао седи пред мене во соблекувална. Првиот пат кога се појави впечатокот ми беше импресивен, човекот едноставно е импресивен. Кога се претстави рече: Добар ден, јас сум Тигре Фалкао. Од ден за ден сфативме дека е голем фудбалер, а уште поголем човек. Многу е едноставен и феноменално е да го имате во соблекувална. Беше позитивен и кога не играше и секогаш е тука за тимот“, вели голманот на Македоија и Рајо Ваљекано во интервју за Моцарт Спорт.
- МЗТ Скопје обезбеди ново финале во македонската кошаркарска лига каде ќе се бори за шампионска титула против подобриот од дуелот ТФТ Скопје - Раобтнички каде Тафталиџани водат со 2-0.
- МЗТ Скопје го совлада Куманово на гости за конечни 3-0 во полуфиналната серија. Уште на полувреме во салата во училиштето „Перо Наков“ Аеродромци водеа 28-53 поради што домашните навивачи гневни влегле на теренот да се пресметаат со своите играчи. Го нападнале Тадија Тадиќ на кого сакале да му го соблечат дресот. Реагирале редарите и полицијата.
- „Приведени се две лица, лишени се од слобода А.Ј. (36) И Д.С. (29), двајцата од Куманово поради тоа што нападнаа играч од домашната екипа за да му го соблечат дресот. Тие се приведени и по целосно документирање на случајот против нив ќе следува соодветна пријава“, соопштија од кумановското МВР.
- Ова е којзнае кој инцидент сезонава од навивачите на Куманово. КФМ еднаш ги казни но после ова веројатно ќе следува подолга суспензија на клубот.
Фото: Epa Images
- Откако во четвртокот вечер Барселона стана нов шампион на Шпанија, а Реал Мадрид остана и без трофеи во Кралскиот Куп, Суперкупот на Шпанија и Лига на шампиони, управата на клубот реши веднаш да почне со сериозна работа за следната сезона.
- Според Фабрицио Романо, Реал веќе го договорил 20-годишниот стопер Дин Хојсен од Борнмут. Хојсен е висок 1.95 игра како класичен централен дефанзивец. Интересно тој е роден во Амстердам, Холандија а неодамна реши да игра за репрезентацијата на Шпанија. „Кралевите“ ќе ја активираат откупната клаузула од 60 милиони евра и тоа во три рати по 20 милиони евра.
- Кариерата ја започнал во шпанска Коста Унида од каде оди во Малага. Во 2021-ва Јувентус го донесе како огромен потенцијал но никогаш не доби шанса во Торино. Го пратија на позајмица во Рома а од таму потпиша со Борнмут. Сезонава на 30 меча имаше 3 гола и 1 асистенција во англиската Премиер лига. Важи за огромен талент и еден од најдобрите млади стопери на денешницата.
