- Селекторот на кошаркарската репрезентација на САД, Стив Кер соопшти дека по Олимписките Игри во Париз 2024 ќе ја напушти клупата на националниот состав.
- „Не, нема да бидам селектор после ОИ. За мене тоа е двогодоишен циклус. Грег Поповиќ беше селектор на Светското првенство 2019 и Олимписките Игри во Токио 2021. Сега на мене е ред да ја предадам штафетата“, рекол Кер.
- Предводникот на Голден Стејт Вориорс потврдил и дека разговарал со Стеф Кари за Олимписките игри. Му рекол дека сака да игра а покрај лидерот на Голден Стејт, најава за настап на ЛОИ има и од Леброн Џејмс, Кевин Дурент, Џејсон Тејтум, Девин Букер и Жоел Ембид.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
