- Српската Алта Банка АД Белград, која неодамна стана нов сопственик на македонската Стопанска Банка АД Битола, синоќа на една клупска фотографија се појави на вардаровиот дрес, како еден од спонзорите на клубот.
- Оваа банка е активен поддржувач на спортот во Србија, а спортската јавност знае дека истата е дел од кошаркарските гиганти Црвена звезда и Партизан. Сега Алта Банка ќе го поддржува и РК Вардар 1961 на патот до новите успеси на три фронта сезонава.
- Вардарци вечерва ги чека дуел од 5. коло во Европската лига на ЕХФ против хрватски Сесвете во Загреб. Вардар 1961 е лидер на табелата со шест бода, еден повеќе од Сесвете и Кристијанштад. Последен е Тулуз без ниту еден бод. Со триумф црвено-црните сигурно ќе обезбедат пласман во следната рунда.
- Италијанскиот стратег кој со голем успех ги водеше Јувентус и Челси каде освојуваше шампионски трофеи, беше уште и тренер на Тотенхем и Наполи. Тој добро ги познава околностите во големите премиерлигашки клубови. Во моментов е без ангажман откако на крајот од минатата сезона во мај/јуни во не баш најдобри односи си замина од Наполи.
- Во интервју за Атлетик зборувал на разни теми, а една е и огромната финансиска предност која островските клубови ја имаат во однос на остатокот од Европа.
- „Во Англија денес користите базуки, додека сите останати и натаму користат пиштоли“, сликовито го објаснува односот Конте на премиерлигашите со сите други лиги и додава: „Но мораме да бидеме внимателни и кога е во прашање начинот на кој тие пари се трошат. Затоа е важно да се носат прави проценки и да се има визија - зошто можете да ги имате сите пари на светот, но мора да знаете како да го потрошите паметно“.
- Додека Аргентина се подготвува за последниот настап на Лионел Меси, во вторник на стадионот Монументал во Буенос Аирес, нивните противници се соочуваат со низа проблеми во пресрет на натпреварот.
- Мегаспорт пишува дека условите за нивното гостување се далеку од идеални. Играчите немале топла вода во хотелот, сауната била во дефект, недостасувала опрема, а фитнес салата била несоодветна за професионален тим. Покрај тоа, репрезентацијата на Бенин патувала 23 часа во економска класа, а видео-аналитичарот Жонас Биде доживеал колапс.
- Претходно и Буркина Фасо имала слични проблеми и поради низа пропусти на Аргентинската фудбалска федерација околу организацијата на патот, многу репрезентативци одбиле да патуваат и поради тоа настапиле со изменет состав составен од играчи до 23 години кој загуби 7:0.
