- Во морето вести за хет-трикот на Лионел Меси и двата гола на Халанд и Мбапе, од италијански Скај Спорт стигна вест дека тренерот на Јувентус Лучано Спалети побарал од управата на клубот да најде начин да го доведе Македонецот Елиф Елмас во Јувентус.
- Веста ја сподели најреномираниот италијански спортски новинар Џанлука Ди Марцио кој известува за трансферите.
- Спалети и Елмас успешно соработуваа во сезоната 2022/2023 кога со Виктор Осимен, Хвича Кваратцхелија и другите го освоија шампионското скудето во Серија А.
- Елмас е под договор со Ред Бул Лајпциг. Играше малку на позајмица во Торино, па минатата сезона беше назад во Наполи а сега се врати во бундеслигашот.
- Спалети сака да го донесе Елмас во Јувентус за да го засили офанзивниот дел од средниот ред.
- На рангирањето на УЕФА, Македонија е во група од седум земји кои моментално останаа само со еден претставник во Европа.
- Македонскиот фудбал на клупски план моментно е во ранг со земји како Лихтенштајн, Малта, Гибралтар, Црна Гора, Велс и Сан Марино.
- Вардар испадна од Рига, а Силекс од Динамо Минск во квалификациите за Конференциска лига. Само Шкендија уште е во игра на меѓународна сцена. В четврток во Скопје ќе играат реванш дуел против Браво од Словенија, кој има предност од 2:1 од првиот дуел.
- Легендарниот Роберто Манчини повторно ќе седне на селекторското столче на Италија откако денес се договорил со првиот човек на Фудбалската федерација на оваа земја, Џовани Малаго.
- Првично откако Паоло Малдини и Леонардо добија функции во италијанскиот фудбалски сојуз, овие двајца го сакаа Андреа Пирло за нов селектор. Претседателот на федерацијата Малаго категорично го одбил тој предлог после што двајцата после само 16 дена заминале од функцијата зошто „зборот не им вредел“.
- За нов технички директор е назначен Клаудио Раниери.
- Роберто Манчини за некој ден ќе биде претставен како нов селектор на Италија. Тој веќе ги водеше аѕурите и им донесе европска шампионска титула во 2021 во епското финале против Англија на „Вембли“. Тој беше тренер и на Лацио, Интер, Галатасарај и Зенит а ја водеше и селекцијата на Саудиска Арабија.
