- Според Моцарт спорт, Борис Ројевиќ, познато тренерско име од регионов, наскоро ќе стане нов тренер на РК Охрид кој има мошне амбициозен проект во македонскиот ракомет.
- Ројевиќ беше творец на апсолутната хегемонија на РК Војводина која има 10 титули по ред во српското првенство од кои 7 под негово водство. Ројевиќ со Војводина го освои и европскиот ЕХФ Куп во 2023-та година а неодамна беше и в.д. селектор на Србија.
- РК Охрид има за цел да ја урне „големата тројка“ на македонскиот ракомет односно да се вмеша во борба за титулата со РК Вардар 1961, РК Еурофарм Пелистер и РК Алкалоид. Охриѓани следната сезона ќе играат и во ЕХФ Купот а управата веќе спрема нови силни ракометни имиња.
- Кошаркарската федерација на Македонија, наскоро веројатно ќе има нов претседател, бидејќи официјално, иницијативата за смена на Антиќ е поднесена со огромна поддршка од 37 клубови потписници.
- Иницијаторите се обидоа да го сторат тоа и во декември минатата година, но актуелниот претседател не ја ставаше на дневен ред точката за (не)доверба на претседателот, поради членот во Статутот што му гарантираше две години од мандатот по неговиот реизбор во 2023 година.
- Тој рок од две години измина на 29 март, по што денеска и официјално беше поднесено барање за Вонредно собрание кое според актите на КФМ, Антиќ мора да го свика во рок од 14 дена.
- Се очекува на следното собрание единствен кандидат за нов претседател да биде Младен Ѓуроски, кој впрочем и лично ја поднел иницијативата во куќата на кошарката.
Фото: Epa Images
- Норвешкиот центафрор само што ја најде својата препознатлива форма и даде неколку гола за Норвешка во репрезентативната пауза, се повреди за време на натпреварот Борнмут - Манчестер Сити (1:2) во ФА Купот.
- Ерлинг Халанд мораше да го напушти теренот во Борнмут во 61' минута од мечот поради повреда на левиот зглоб на ногата. Халанд постигна гол на мечот во 49-та минута а потоа го заменија со Омар Мармуш кој го постигна победничкиот погодок подоцна.
- Од Сити соопштија дека центарфорот би можел да се врати до крајот на сезоната во Премиер лига (25-ти мај завршува) а дека би бил подготвен целосно за Светското клупско првенство (од 15-ти јуни до 13-ти јули), како и за мечот Норвешка - Италија од квалификации за Светско првенство на 6-ти јуни во Осло.
