- Легендарниот фудбалер на Манчестер Јунајтед и дете на овој клуб, Пол Сколс отворено го кажа она што многумина го мислат за новата управа на чело со Сер Џим Ратклиф од кого очекуваа да го врати клубот на старите патеки.
- „66 евра за влезница е смешно... Ако помислиш на Манчестер, има многу сиромашни краеви и самиот Сер Џим Ратклиф е од Феилсворт која е сиромашна населба. Да земеш со себе дете (на натпревар на Јунајтед) тоа се 120 фунти, да земеш цела фамилија, тоа се 300-400 фунти, не е во ред. Скоро година дена се на чело на Јунајтед и уште се е лошо. Не можам да се сетам на нешто позитивно што го направија за фудбалскиот клуб. Работите се се полоши на терен така што не може да се плаќаат поскапи карти. Како бараш од навивач на Ман. Јунајтед да плати повеќе со она што е на теренот. Ако го споредиш Сир Џим Ратклиф со оние американски газди, сфаќаш дека на сите не им е гајле“, вели Сколс.
- Манчестер Јунајтед во моментов е на мизерно 13. место на табела, со 13 бода зад местото кое следна сезона води во Лига на шампиони.
- Македонската фудбалска легенда Дарко Панчев во разговор за магазинот на ФФМ говореше за новиот циклус во Лигата на нациите. Поранешниот напаѓач нагласи дека ова е досега најголемиот предизвик, доста посериозен од претходните во натпреварувањето.
- „Би било добро, резултатски гледано доколку не го загубиме првиот натпревар против Швајцарија. Сега почнуваме нов циклус, а Б-лигата објективно е на повисоко квалитативно ниво од Ц и Д-лигите. За првпат сме во оваа конкуренција во Лигата на нациите, ќе мора да покажеме дека сме дораснати за да бидеме во оваа група. Првиот противник, Швајцарија е сериозна репрезентација, која континуирано настапува на светските и европските првенства. Има објективно поголемо искуство од нас, а и швајцарската лига, иако не спаѓа меѓу петте најсилни во Европа, таа е добра и квалитетна“, започна Панчев.
- Македонскиот боксер Ален Рустемовски го оствари веројатно најголемиот успех во досегашната сениорска кариера, откако се пласираше во полуфиналето на Европското првенство во Софија.
- Нашиот боксер во четвртфиналето беше подобар од Ерменецот Базејан и обезбеди најмалку бронзен медал за себе и за нашата држава. Денешната пресметка ја доби на убедлив начин, со конечен резултат 4-1.
- За Рустемовски продолжува одличниот настап на Европскиот шампионат, каде претходно славеше победа и над Англичанецот Вилијам Хјуит со конечни 4-1. На Европското првенство во Софија настапуваат околу 400 боксери и боксерки од 40 земји, што дополнително ја нагласува тежината на успехот на македонскиот претставник.
