- Македонската фудбалска репрезентација две години не знае за пораз или поточно од петардата во Рим, кога загуби 5:2 од Италија, на 17 ноември 2023-та.
- Скорот им е 8 победи: Ерменија (2), Летонија (2), Лихтенштајн (2), Фарски острови и Казахстан, и 6 нерешени средби со Англија (1-1), Фарски острови (1-1), Велс (1-1), Казахстан (1-1) и две со Белгија (1-1) и (0-0)).
- Утрешното гостување во Велс (20:45) е шанса да се стигне до 15 натпревари без пораз, а со тоа и непобедлива да ја заокружи 2025-та.
- На неколку часа пред големата борба меѓу Британецот Антони Џошуа и јутјуберот Џејк Пол, Џошуа, некогашен олимписки шампион од Олимписките Игри 2012 во Лондон, изјави: „Ако можам да те убијам, ќе те убијам. Тоа е моја работа - ние се бориме. Ние имаме лиценца за убивање. Сигурен сум дека многу луѓе не го разбираат тоа, но ова е мојата работа. Јас уживам во тоа што го правам. Што и да се случи ќе се случи. Тоа е менталитетот што ние борците го имаме“, рекол Џошуа.
- На ова му одговорил Тајсон Фјури, кој како трето лице од страна ќе ја следи борбата меѓу Џошуа и Џејк Пол:
- „Само што ги земав децата од училиште. Само што го изгледав видеото во кое Џошуа вели дека „ако убие некој, ќе убие во боксерски ринг“. Тој има 37 години и на крајот од својата кариера е, а се бори со јутјубер, некој лик од Дизни Канал што чичко Том (Фјури) го победил, а сега зборува за негово убиство и некои работи за да ја продаде борбата. Те молам. Лаеш на погрешно дрво идиоту. Еве ти еден факт, ако некогаш те сретнам, клошару, ќе те успијам со еден удар. Не сум јас јутјубер ниту човек пола од твојата големина. Јас сум човекот што ќе те убие“, рекол Тајсон Фјури кој со ова како да најавува нова атрактивна борба против Џошуа.
- Службено боксерскиот меч Џошуа - Пол е заведен како професионална борба во тешка категорија која ќе трае осум рунди по три минути, а борците ќе носат ракавици од 10 унци без разлика што Џошуа е професионален боксер а Пол тип познат од интернет.
- Најпознатиот норвешки тренер Оге Хареиде починал на 72-годишна возраст после долго боледување. Хареиде беше препознатлив лик од скандинавскиот фудбал. На времето бил репрезентативец на Норвешка за која забележал 50 настапи. Играл за Хед, Молде, Манчестер Сити и Норич.
- Како тренер и селектор ги водеше Молде, Хелсинборг, Брондби, Розенборг, Ергрите, Викинг, Данска и Исланд со кого во 2024-та забележа историска победа против Англија на Вембли.
- Четири години беше селектор и во 2018-та ја водеше Данска на легендарното Светско првенство во Русија. Има освоено шампионски титули и во Норвешка и во Данска и во Шведска.
