Offside › Набрзинка

Сите рекорди на непобедливата Македонија во изминатите две години

17 ноември 2025

Македонската фудбалска репрезентација две години не знае за пораз или поточно од петардата во Рим, кога загуби 5:2 од Италија, на 17 ноември 2023-та.
Скорот им е 8 победи: Ерменија (2), Летонија (2), Лихтенштајн (2), Фарски острови и Казахстан, и 6 нерешени средби со Англија (1-1), Фарски острови (1-1), Велс (1-1), Казахстан (1-1) и две со Белгија (1-1) и (0-0)).
Утрешното гостување во Велс (20:45) е шанса да се стигне до 15 натпревари без пораз, а со тоа и непобедлива да ја заокружи 2025-та.

13 март 2026

Триесет и едно годишниот колумбиски лев бек Себастијан Ерера би можел да се најде на списокот на селекторот Гоце Седлоски за бараж дуелот против Данска на 26-ти март во Копенхаген, пишува Македонски спорт.
Колумбиецот Ерера долги години беше во македонскиот фудбал. Прво во јули 2015-та дојде во Работнички каде остана пет години а потоа играше уште и за МТК Будимпешта, Брегалница Штип и за кипарска Докса. Од јули 2023-та е во Борац Бањалука со кого оствари историски успех во Конференциска лига минатата сезона.
Селекторот Седлоски може да смета на овој брз офанзивен бек кој може да покрива повеќе позиции. Ерера има и македонски пасош а во 2022-ра година стапи во брак со Македонката Елена.

12 март 2026

Македонскиот атлетичар Јован Стојоски ќе биде наш единствен претставник на претстојното Светското првенство во сала, кое ќе се одржи од 20 до 22 март во Торун, Полска. Стојоски ќе настапи во дисциплината 400 метри, во која оваа сезона оствари одлични резултати во сала, потврдувајќи ја својата добра форма и подготвеност за настап на најголемата светска сцена.
Неговиот настап е закажан на 20 март во 12:00 часот.