- Како што пишува шпански АС, македонскиот репрезентативен голман Столе Димитриевски би можел да ја промени средината овој јануари. За Кумановецот наводно се заинтересирани Клуб Бриж, Џенова и Борнмут и тие чекаат развој на ситуацијата околу Димитриевски со надеж дека би можеле да го доведат во своите редови.
- Неизвесноста околу статусот на Столе Димитриевски на „Местаља“ дополнително го зголемува интересот. Голманот беше еден од подобрите чувари на мрежата во шпанска Ла Лига години додека бранеше за Рајо Ваљекано, а по трансферот во Валенсија редовно е на клупата за резерви и многу ретко добива прилика како неодамна во Кралскиот Куп кога бранеше против третолигаш.
- Незаменлив прв голман на Валенсија цела сезона е Хулен Аризабалага кој е позајмен од Атлетик Билбао.
- За очекување е Димитриовски да прифати каква било понуда само да брани стандардно пред бараж дуелот со Данска за пласман на Светско првенство 2026.
- Вечерва од 21 часот ќе се одиграат сите 18 натпревари од последното коло на Лига на шампиони. Во вторникот вечерта немаше фудбал, сите натпревари се закажани за вечерва. Дури 32 екипи од вкучно 36 имаат шанса за пласман во следна рунда.
- Арсенал и Баерн Минхен се сигурни патници директно во осминафинале, а за разигрување шанси имаат голем број екипи. Од 6-то до 13-то место има група клубови со по 13 бода и сите ќе бркаат директен пласман во 1/8 финале и ќе се потрудат да избегнат доигрување.
- На крајот тимовите пласирани од 9-то до 24-то место ќе играат во доигрување за пласман во осминафинале. 9-от и 10-от ќе играат против екипите кои се на 23-то и 24-то место, 11-от и 12-от ќе играат против 21 и 22 на табела и така натаму.
- Дербито на вечерта се игра во Париз каде ПСЖ ќе го пречека Њукасл во директен дуел за место кое води право во 1/8 финале.
- Ракометарите на ЕП се соочуваат со турбо распоред, кој предвидува два натпревари за помалку од еден ден. Причината е усогласување на крајот на двете групи во Малме и Хернинг, пред полуфиналиња во петок и финалниот дел во недела.
- Се погласни се реакции дека ваквиот систем е опасен по здравјето на играчите. Поранешниот играч на Металург и Вардар, Лука Циндриќ реагираше после победата над Словенија.
- Се ме боли. Играме за помалку од 24 часа. Оној што го смислил овој распоред, сигурно никогаш не се занимавал со спорт. Се жртвуваме цели подготовки, а потоа по шестиот или седмиот меч играме меч од кој ни зависи полуфиналето. И после тоа нов натпревар за помалку од 24 часа. Тешко е и премногу интензивно. Не можеш да се регенирираш ни за два дена, а камоли за еден. Ова не е здраво за никого.
