Offside › Набрзинка

Шпански второлигаш потпиша договор со светски и европски шампион

27 октомври 2021

Триесет и шест годишниот Љоренте е нов член на шпанскиот второлигаш Еибар. По споразумен раскин на договорот со Удинезе, високиот центарфор се договорил со клубот кој од клупа го предводи тренерот Гаизка Гаритано со кого Љоренте го играше најдобриот фудбал во кариерата во Атлетик Билбао.
Горостасот од Памплона е легенда на Атлетик за кого на 262 меча постигна 85 гола. Одличен беше и во Јувентус каде на 66 натпревари даде 23 погодоци.
Кариерата го носеше во Севиља, Свонси, Тотенхем Хотспур, Наполи и Удинезе. За шпанската репрезентација има 24 настапи и 7 гола.
Еибар во моментов после 12 кола е втор во Сегунда со 24 освоени бода и реални шанси на крајот да обезбеди пласман во Примера.
Љоренте во кариерата освои: со Шпанија - Светско првенство (2010), Европско првенство (2012), 3 скудета со Јувентус (2013/2014, 2014/2015, 2015/2016), Куп на Италија (2014/2015), 2 Суперкупа на Италија (2013 2015), Лига Европа со Севиља (2015/2016), Куп на Италија со Наполи (2019/2020). Играше 2 пати во финале на Лига на шампиони: со Јувентус (2014/2015) пораз од Барселона и со Тотенхем (2018/2019) пораз од Ливерпул.

извор

Како игра Вардар на финансиски терен? Добивката во сенка на обврските од 5 милиони евра

16 септември 2026

Во годината кога по речиси дведецениска пауза го освои Купот на Македонија, ФК Вардар забележа и успех на финансиски терен.
Приходот го зголеми за 544 насто, а добивката за 158 насто. Сепак, финансискиот семафор покажува дека фудбалскиот клуб сè уште игра тежок меч со наталожените обврски и загуби.
Вардар има вкупни обврски од 5,13 милиони евра. Сите се прикажани како краткорочни. Иако износот е намален во однос на состојбата од 2024 година и тогашните 6,43 милиони евра, сепак обврските и натаму се повеќе од 32 пати поголеми од вкупната актива.
Најголемиот дел се однесува на обврските по заеми и кредити од речиси 3 милиони евра, стои во анализата на pari.com.mk.

извор

Седлоски за одличниот стрелец Илоски од САД: „Никого нема да молиме“

16 септември 2026

Дваесет и седум годишниот Милан Илоски, роден во Калифорнија (САД) кој има македонско потекло, веќе подолго време важи за еден од подобрите стрелци во американската МЛС лига заедно со Лионел Меси, Луис Суарез, Томас Милер и Роберт Левандовски. Илоски сезонава на 25 натпревари има 12 гола и 2 асистенции со што е во горниот дел од листата на најдобри стрелци.
Илоски игра за Филаделфија Јунион. Тој веќе неколку месеци е предмет на дискусии за македонската репрезентација.
На денешниот прес во пресрет на дуелите од Лига на Нации, селекторот Гоце Седлоски на новинарско прашање за Илоски рече:
„Јас сакав да го повикам Илоски уште за натпреварот во Данска, но преку Николче Новески, ни кажа дека приоритет му е клубот и борбата за клупските цели. Се обидовме да ја преиспита одлуката, но во овој момент неговата одлука е таа што е. Го следам, но никого нема да молиме да игра за Македонија“.

Седлоски повика 28 играчи за Лига на нации меѓу кои четворица дебитанти

извор