Offside › Набрзинка

Шмајхел нема да брани со Македонија, кариерата му е во прашање

18 март 2026

Легендарниот дански голман Каспер Шмајхел, шампион во Премиер лига со сензационалниот Лестер во 2016-та и еден од најдобрите европски голмани во изминатава деценија, вели дека повредата која долго време ја носи и сега е сè потешка, најверојатно би значела крај на неговата кариера.
Голманот минатата година го повреди рамето додека бранеше за Данска, а долго време бранел со болки. Повредата се влошила на мечот меѓу Селтик и Штутгарт во Лига Европа неодамна, после што решиле дека тој мора да оди на најмалку две операции.
„Фудбалер сум од кога сум роден. Ова е ужасно. Во моментов навистина ми е тешко да прифатам што се случи. Во вторникот примив вест дека ова би можел да значи крај на мојата кариера. Додека да бидам фит повторно, можно е да имам над 40 години. Времето за опоравување се предвидува на 11-12 месеци. Ќе направам се што можам за да се вратам. Би бил можеби еден од најголемите подвизи во мојата кариера ако успеам да се опоравам од ваква повреда. Ќе се борам, ќе направам се што можам. Ќе одам на рехабилитација“, рекол Каспер Шмајхел, легендарниот дански голман во емисијата Голаѕо на СиБиЕс Спортс каде татко му е стручен коментатор.
Данска ја пречекува Македонија на 26-ти март од 20:45 часот.

извор

Португалија добива нова седумка откако Роналдо си замина

1 октомври 2026

Потресот кој го предизвика заминувањето на Кристијано Роналдо од базата на репрезентацијата на Португалија, револтиран од односот на селекторот Жорж Жезус кој го загреваше 30 минути на натпреварот против Норвешка па не го стави во игра и го врати на клупа, уште трае.
Оваа вест е главна на сите светски спортски медиуми.
А во меѓувреме од фудбалската репрезентација на Португалија стигна нова вест дека седумката на Роналдо веќе му ја дале на Рафаел Леао за натпреварот против Данска вечерва во Копенхаген.
Леао седумка носел во младинските категории како и во Спортинг и во Лил. После Милан Рафаел Леао летово во богат трансфер отиде во Галатасарај. Кариерата на крилниот напаѓач е во пад, неговата форма драстично опадна во Милан каде ни од близу не ги пружаше партиите од првите денови во клубот. Тој за сега и во Турција не ја почна добро сезоната и не делува воопшто на играч кој прави разлика на теренот.

Добар пријател на Кристијано Роналдо открил што се случувало во кампот на Португалија

Роналдо се огласи по напуштањето на репрезентацијата

извор

Селекторот на Словенија по победата: „Не паѓаме во еуфорија, Македонија не е баш при фудбалскиот врв“

30 септември 2026

По триумфот на Словенија 2-0 над Македонија на стадионот „Стожице“ во Љубљана, словенечкиот селектор Бостјан Сезар после натпреварот зборувал подолго пред новинарите, а меѓу другото кажал:
„Честитки до момците, но ова е само почеток. Мора да раснеме од натпревар во натпревар. Едноставно не смее да има еуфорија. Победата е добра, ја остваривме против добра екипа, но Македонија не припаѓа баш на самиот врв на светскиот фудбал“.

извор