- Околу 2.000 навивачи на Селтик синоќа и во текот на денешниот ден допатувале во Загреб за мечот меѓу Динамо и шкотскиот шампион во рамки на 6. коло од Лига на шампиони.
- Шкотланѓаните расположени и пивнати синоќа „окупирале“ неколку загрепски пабови а на една локација во градот биле нападнати од непознати лица при што тешко бил повреден 38-годишен навивач на Селтик.
- Хрватските медиуми пренесуваат дека се приведени шест лица, а повредениот се бори за живот во загрепска болница.
- Претседателот на Ракометната федерација на Словенија, Бор Розман, најави дека неговата земја заедно со Македонија и со Србија се во преговори за поднесување заедничка кандидатура за организирање на Европското првенство 2034 година.
- Според првичните најави, Македонија би била домаќин на група во првата фаза, како и на натпреварите од вториот сегмент.
- Словенците би организирале натпревари од двете фази, како и од полуфиналето, додека во Србија би се играла завршницата на шампионатот поради капацитетот на салата.
- Македонија досега беше домаќин на женско ЕП 2008 самостојно и заеднички со Црна Гора и Словенија на ЕП 2022.
- Новото раководство на КФМ го промовираше Марјан Илиевски за нов предводник на македонската кошаркарска репрезентација, кој доаѓа како наследник на Александар Јончевски.
- Илиевски беше тренер на Пелистер, Сигал Приштина, Блокотехна, АВ Охрид, Кожув и Лирија. Помошници ќе му бидат Боби Митев, Борче Даскаловски и Мирко Петрески.
- Прва задача му се претквалификациите за СП 2027 година, каде Македонија е во група со Унгарија и Романија, мечеви кои ќе се играат во август.
- Договорот е на четири години и тој е вкупно 15-ти селектор на македонската кошаркарска репрезентација.
