- Новиот фудбалски првак во Црна Гора, клубот Дечиќ од градот Тузи се решил на радикални промени откако ја освоил шампионската титула. Дечиќ го менува клупскиот грб кој во иднина ќе нема веќе сино-бела комбинација по која беше познат клубот ниту пак црвената петокрака.
- Во новиот грб на ФК Дечиќ ќе стои и албански назив во името. Во овој град околу 60 отсто од населението се изјасниле како Албанци, па затоа и името на клубот како додавка го доби и албанскиот назив.
- Дечиќ сензационално ја освои титулата пред најтрофејниот црногорски клуб Будуќност и летово ќе игра во квалификации за Лига на шампиони каде прв ривал ќе им биде велшки ТНС.
- Навивачката група на клубот, „Ашкери“ на својот профил на Фејсбук на управата и порачале дека не се сложуваат со одлуката. „Не менувајте ни ги боите и грбот на 100 години стариот клуб! Власта е минлива а Дечиќ е вечер“, стои во реакцијата на „Ашкери“.
- Кошаркарите и стручниот штаб на најтрофејниот спортски колектив во земјава КК Работнички конечно отворија душа и преку заеднички потпишано соопштение на јавноста и кажаа како стојат работите во паднатиот гигант кој од година во година крпи крај со крај.
- „Тимот функционира во недостоинствени услови, без основна опрема, без елементарна логистика и со постојана неизвесност околу најосновните организациски прашања. На патувања сме оставени сами на себе, без сигурен превоз, па често навивачите ги покриваат овие трошоци. Ова е срам за клуб со ваква историја и реноме.
- Дополнителен врв на непочитување е фактот што ниту играчите, ниту стручниот штаб не беа поканети на официјалното отворање на реновираната сала — нашата „куќа“. Овој чин јасно покажува колку малку се ценат луѓето кои секојдневно се борат за грбот и угледот на клубот.
- Јавно констатираме дека ветувањата дадени од градоначалникот не се исполнети, всушност, слободно можеме да кажеме дека тој неколку пати не излажа, а спортскиот директор со недели не одговара на телефонските повици и пораките, со што практично ја прекина секоја форма на комуникација со тимот. Ваквиот однос го сметаме за неодговорен и недозволив“.
- По обелоденувањето на документите од истрагата за сомнителни натпревари во Првата македонска фудбалска лига, целиот случај добива поширока димензија и свој заплет.
- Освен сопственикот на Башкими, Бурак Хида, во фокусот на јавноста се најде и претседателот на Шкендија, Љуљзим Имери, поради тоа што натпреварот меѓу двата клуба е дел од предметот што се разгледува од страна на највисокото фудбалско тело во Европа.
- Документите упатуваат на одредени релации и финансиски активности поврзани со лица од странство, кои се доведуваат во контекст со обложувања во периодот кога се одиграле спорните средби.
- Во вакви околности, штетата не е само правна или спортска. Потенцијалните последици можат да бидат и финансиски и репутациски, особено за Шкендија. Секое доведување на клубот во контекст на истрага за интегритет на натпреварување може директно да се одрази врз неговиот бренд и врз односот со главниот спонзор, Еколог.
