Offside › Набрзинка

Се самоубил познат латвиски кошаркар

17 декември 2024

Триесет и две годишниот Јанис Тима, поранешен репрезентативец на Латвија и кошаркар на Зенит, Химки и УНИКС, пронајден е мртов синоќа во Москва.
Руските медиуми пишуваат дека тој оставил проштална порака со бројот на неговата доскорешна сопруга Ана Седокова и натпис: „Јавете и се“. Со неа во брак бил од 2020-та а претходно бил во брак со друга жена со која го има синот Кристијан.
Јанис Тима важеше за одличен, врвен кошаркар а во последно време, пишуваат руските медиуми, имале тежок и тензичен однос со сопругата Седокова со која се развеле пред неколку месеци. Нејзе ѝ било роденден во понеделникот а тој во објава на социјалните медиуми го напишал датумот на своето раѓање и својата смрт.
Тима ја почнал професионалната кариера во родниот град, во клубот АСК Рига. Мемфис Гризлис го одбрале како 60-ти пик на драфтот во 2013-та година. Го трампаа во Орландо Меџик а подоцна се врати во Европа каде играше за Басконија, Олимпијакос, Химки, УНИКС и Дарушафака.

извор

Миовски пред Шкотска: Време е за заедништво - поддршката од публиката ни е ептен потребна!

2 октомври 2026

Напаѓачот на македонската фудбалска репрезентација и член на шкотскиот великан Глазгов Ренџерс, Бојан Миовски, побара максимална сплотеност и најави поинаков пристап пред утрешниот дуел против Шкотска во Лигата на нации од 20:45 часот.
По воведните порази од Швајцарија и Словенија, нашиот голгетер верува дека излезот од резултатската криза лежи исклучиво во тимската игра. Свесен за притисокот по лошиот старт, Миовски потенцираше дека сега е моментот зборовите да се преточат во дела на зелениот терен.
„Секој период во репрезентацијата носи свои предизвици. Немаме посакувани резултати како што очекувавме, но сега сме во момент кога треба да покажеме заедништво. Можеме да зборуваме многу, да кажуваме било што, но сега треба да бидеме тим и тоа на дело да го докажеме на терен“, изјави Миовски.
„Ние играме дома и мораме да бидеме како еден колектив, не сме селекција која може да се потпре на индивидуален квалитет. Ако бидеме колектив, ќе се вратат резултатите. Фудбалот се игра за публика, колку е пополн стадионот, толку и самодовербата е поголема. Знаеме и свесни сме дека сме во криза, затоа ги повикувам сите навивачи да ни ја дадат поддршката сега кога е најтешко.“

извор

Седлоски: Не дека селекторот се вади, но факт е дека националните тимови во Б дивизијата се подобри

2 октомври 2026

„Овие момци тука кои се, ве молам дајте им поддршка на сите. Ја подмладивме репрезентацијата, уште ќе подмладувам. Критиките нека одат кај мене, а јас по договор со федерацијата ќе подмладувам. Сакаме да создадеме нови играчи, го кажав тоа по мечот во Љубљана и на тој процес останувам до крај.
Играме во Лигата Б, не е дека селекторот се вади, туку факт е дека националните тимови се подобри. Кога доаѓав, знаев каде влегувам и знаев со какви репрезентации се игра. Кога игравме и во Лигата Ц се мачевме и во нападот и со головите. Работам, гледам, следам и знам што правам.
Спремни сме да излеземе на терен, да покажеме карактер и она што го играме во Словенија, од кое можам да бидам задоволен освен од резултатот, да продолжиме во тој ритам, да не се браниме.“, изјави Седлоски.

извор