Offside › Набрзинка

Се огласи и Чаби Алонсо по отказот од Реал Мадрид

13 јануари 2026

Прославениот шпански фудбалер и тренер Чаби Алонсо за првпат откако синоќа споразумно го раскина договорот со Реал Мадрид и не ја доби поддршката од управата се огласи на друштвените мрежи.
„Се заврши ова професионално поглавје и не испадна онака како што сите сакавме. Да се тренира Реал Мадрид беше чест и одговорност. Им се заблагодарувам на клубот, на играчите, а пред се на навивачите и на мадридизмот на довербата и поддршката.
Заминувам со почит, благодарност и гордост што дадов се од себе“.

View this post on Instagram

A post shared by Xabi Alonso (@xabialonso)

извор

Вардар се враќа каде што му е местото: Повторно ќе се игра Лига на шампиони во Скопје!

19 јуни 2026

Ракометниот клуб Вардар 1961 во следната сезона ќе се врати во Лигата на шампионите, дознава Гол.мк од неофицијални извори.
Според нив, Европската ракометна федерација - ЕХФ го одбрала токму двократниот европски шампион Вардар како една од екипите кои ќе одат ранг погоре во своите натпреварувања. Така „црвено-црните“ со „вајлд-карта“ повторно конечно се враќаат во Лига на шампиони!
Како двократен европски првак веројатно беше очекувано да биде одобрено барањето на Вардар за унапредување во Лигата на шампионите. Последен пат Вардар играше во елитното натпреварување во сезоната 2021/22, ја мина групната фаза и беше елиминиран од Веспрем во плеј-офот.
Се очекува ЕХФ да ја потврди одлуката за доделените „вајлд-карти“ во наредните денови.

извор

30-дневен притвор за некогашниот претседател на ФФМ Илчо Ѓорѓиоски

19 јуни 2026

Поранешниот претседател на ФФМ, Илчо Ѓорѓиоски, доби 30-дневен притвор од судијата на претходна постапка, а поради обвинението поднесено за него од Обвинителството за гонење на организиран криминал за наводна проневера на околу 2 милиони евра.
Иста мерка односно притвор од најмалку 30 дена доби и Олгица Младеновска, раководителка за финансиите за време на неговиот мандат, која исто е меѓу осомничените за овој криминал.
„Првоосомничениот, во својство на претседател на ФФМ, (се мисли на Ѓорѓиоски – н.з.) заедно и по претходен договор со осомничената раководителка на Одделението за финансии и сметководство (се мисли на Младеновска – н.з.), во периодот од 1 јануари 2015 година до 25 јули 2018 година, преку повеќе временски поврзани дејствија, со намера да прибават противправна имотна корист за себе и за други лица, присвоиле парични средства доверени во службата во вкупен износ од 127.451.156 денари“, се вели во вчерашното соопштение на обвинителството.
Обвинениет има и за Муамед Сејдини, наследникот на Ѓорѓиоски во улогата прв човек на македонскиот фудбал, кој се сомничи за проневера на околу 1 милион евра. Притвор се бара и за шест други лица опфатени со обвинението, како и мерки за претпазливост за уште четворица. Сејдини уште од порано е во притвор поради пријавата за проневера на 700.000 евра од фондот наменет за изградба на стадионот во Охрид.

извор