- Римскиот клуб кој стигна до 1/8 финале во Лига на шампиони и туркаше со крпен состав на неколку фронта, остана без тренер откако Маурицио Сари попладнево дал отказ во клубот. Тој беше на клупата на Лацио од 9-ти јуни 2021-ва година.
- Екипата имала закажан тренинг за денес од 15:00 часот но поради новонастанатата ситуација, тренингот е одложен. Лацио има пет порази на последните шест меча што ја прелеало чашата кај најверните тифози кои синоќа спонтано се собрале во знак на протест пред тренинг кампот.
- Како можни замени за Сари, италијански Скај Спорт ги наведува некогашните играчи на овој тим Мирослав Клосе, Томазо Роки или Кристијано Броки. Веќе извесно време италијанскиот печат пишуваше дека Сари не е во добри односи со управата на клубот која неколку пати го извисила со засилувања на екипата.
- Некогашниот тренер на Челси, Наполи и Јувентус, имаше најдобар пласман со Лацио (2. место) после историското скудето 1999/2000. Ланската сезона стана прв тренер на Лацио кој во иста сезона ги победил Интер, Милан, Јувентус, Наполи, Рома, Аталанта и Фиорентина и да има најдобра одбрана во 124 годишната историја на клубот.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
