Offside › Набрзинка

Салах донирал 150.000 долари за опожарен православен храм во Египет во кој загинале 41 лица

17 август 2022

Коптската православна црква во Египет, во неделата соопштила дека бројот на жртви по стампедо предизвикано од големиот пожар во црквата посветена на Свети Меркуриј (на арапски Абу-Сеифеин) во Имбаба стигнал до 41 лице меѓу кои 18 деца, а повредени биле најмалку 14 лица.
Пожарот избувнал во неделата при утринската литургија, а од египетското МВР сооштиле дека причина за пожарот бил дефект на клима уредот на вториот спрат од храмот.
Најдобриот египетски фудбалер на сите времиња, големата суперѕвезда Мохамед Салах кој важи за посветен муслимански верник, донирал околу 150.000 долари за опожарената црква и настраданите. Ова не е прва ваква донација на фудбалерот на Ливерпул кој секогаш помага во татковината.

29 ноември 2025

Екипата на Вардар 1961 ја продолжува серијата без пораз на домашната сцена. Црвено-црните во дербито на денот славеа над ГРК Охрид (28-26) и го забележаа четиринаесеттиот триумф на четиринаесеттиот меч сезонава.
Пред преполна сала „Билјанини извори“ каква што не се памети да била полна во последниве години, во Охрид вечерва РК Вардар 1961 го совлада амбициозниот домаќин 28:26.
Уште од стартот црвено-црните покажаа дека сезонава им нема рамен во домашното првенство и дека одличните игри и во Европа не се случајност.
Дмитро Хориха постигна осум гола и беше лидер со најмногу погодоци кај Вардар. Харуки Кавада постигна шест гола. Милош Валах запиша осум одбрани. Кај Охрид Стрмљан, Иванковиќ, Крсманчиќ и Ѓукиќ постигнаа по пет гола.
Вардар е прв на табела со 14 победи од 14 натпревари.

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.