- Мексиканската фудбалска федерација официјално соопшти дека Рафаел Маркез ќе го наследи Хавиер Агире на функцијата селектор на националниот тим.
- Поранешниот централен бек, кој блескаше во Барселона помеѓу 2003 и 2009 годин, важи за една од најголемите легенди на својата земја, рекордер со 147 настапи и капитен на пет Мундијали од 2002 до 2018 година.
- Во 2024 година, стана помошник тренер на Мексико и сега е унапреден во селектор, откако Агире се раздели со репрезентацијата после поразот од Англија во осминафинале.
- Двократниот европски шампион Пари Сен Жермен прави реконструкција на екипата па во меѓувреме заминаа Гонзало Рамош (Милан) и Кореецот Ли Канг-ин (уште неофицијално во Атлетико Мадрид), а се бараат нови средини за Рандал Коло Муани и Ибрахим Ембаје.
- Во меѓувреме Л'Екип пишува дека Ливерпул и Арсенал се сериозно заинтересирани за еден од најдобрите фудбалери на ПСЖ и Франција, Бредли Баркола кој игра како крилен напаѓач.
- „Нема проблем, цената е 150 милиони евра. Бујрум“, велат од ПСЖ.
- Легендарниот хрватски селектор Златко Далиќ дал оставка и заминува од репрезентацијата која што ја водеше од 2017-та година. Хрватска го заврши настапот на Светско првнество во 1/16 финале после поразот од Португалија 2-1 во регуларно време.
- Ова беше прво Светско на кое Далиќ ја водеше Хрватска а да се врати без медал. Претходно освојуваше сребро во Русија во 2018-та и бронзен медал во Катар во 2022.
- „Скромно доаѓање. Незабореван пат. Гордо збогување. После скоро девет години селекторот Златко Далиќ реши да ја заврши својата неверојатно успешна кариера на клупата на „ватрените“. Селекторе фала за се - за победите, за успесите, за пласманите, за медалите, за заедништвото, за почитта и решавачката борба за Хрватска на теренот и надвор од него. Резултатите говорат каков тренери, а почитта од играчите, соработниците и противниците за тоа каква личност си“, стои во соопштението на Хрватскиот фудбалски сојуз.
