- Никола Јокиќ летово стана светска вест број 1 откако со неверојатни бројки во плејофот го однесе својот Денвер Нагетс во финалето а таму блесна и заслужено го освои шампионскиот трофеј и МВП наградата за најдобар играч.
- Малку е позната кариерата на Јокиќ пред НБА. Тој играше во српскиот клуб Мега Визура (подоцна Мега Лекс), клуб финансиран и воден од познатиот менаџер Мишко Ражнатовиќ.
- Во оваа екипа Јокиќ одиграл три одлични сезони во АБА лигата под водство на тренерот Дејан Милојевиќ кој веќе неколку години му е помошник тренер на Стив Кер во шампионскиот Голден Стејт Вориорс. Јокиќ учел и од прекалениот центар Ратко Варда кој едно време играше и во македонското првенство за Кожув а богатата кариера ја направи во Партизан, Детроит Пистнс, Реал Мадрид, Бешикташ, Жалгирис, Химки....
- „Кога дојдов во Мега, таму скоро сите беа деца од 18 до 21 година. Тоа беше пред сам крај на мојата кариера, имав 35 години. Ќерка ми имаше тогаш 14 години а оини имаа по 17-18. Беа таму Јокиќ, Василије Мициќ, Немања Дангубиќ, заштитнички се однесував кон нив“, вели Варда.
- Пред натпреварот Ница - Рома (1-2) од 1. коло во Лига Европа, француската полиција осуетила и привела повеќе од 100 навивачи на Рома меѓу кои нашле арсенал студено оружје, палки, метални шипки, боксувачи, димни бомби и др.
- 28 навивачи од Рим по брза судска постапка биле осудени на минимум 2-месеци затвор во Ница и таму ќе останат најмалку до крајот на ноември. На оние кои се ресидивисти, односно кои го повториле делото и биле учесници во инциденти и нереди на натпреварите против Тотенхем, Билбао и Сервет, им се заканува и затворска казна до 5 години. Обвинителството во Ница им ги одбило барањата за депортација. Останатите 89 биле депортирани назад во Италија на нивен трошок.
- Рома победи 1-2 со головите на двајцата стопери Еван Ндика и Џанлука Манчини.
- Како што беше објавено веднаш по трагедијата, Ливерпул остана на зборот и целосно го исплати преостанатиот дел од договорот на семејството на Диого Жота.
- Португалецот имаше уште две сезони договор со клубот од Енфилд. Потврдата стигна од Арне Слот.
- „Неколку пати повторив колку бев горд на реакцијата на навивачите во тие денови. Сопствениците се претежно оние кои критикуваат, како и тренерите. Но, начинот на кој се справија со целата оваа ситуација... Тие им ги исплатија на сопругата и децата на Диого сите пари од договорот. Можеби луѓето мислат дека тоа е нормално, но тоа не е нормално во фудбалот“, рече тренерот на Ливерпул.
- Ливерпул, исто така, направија нешто што никогаш порано не го направие. Го повлекоа бројот 20 во сите младински категории и во првиот тим.
