Offside › Набрзинка

Рашфорд го облече дресот на Барселона

24 јули 2025

Барселона го претстави Маркус Рашфорд како ново засилување, откако го комплетираше својот трансфер како позајмен играч за една сезона, со опција за откуп за 30,3 милиони фунти.
27 годишникот одигра 426 натпревари во Манчестер Јунајтед, постигна 138 гола и по девет и пол сезони, втората половина од сезоната 2024/25 ја мина на позајмица во Астон Вила.
Под водство на Унаи Емери, Рашфорд одигра 17 натпревари, постигна 4 гола и направи 5 асистенции.
Тој ќе стане првиот Англичанец што ќе заигра за Барселона по Гери Линекер кон крајот на 80-те.

извор

Македонец делегат на жешкото финале во Приштина

30 март 2026

Македонскиот делегат Филип Поповски ќе има задача во баражот за СП 2026 година, на еден од најжешките натпревари.
Косово ќе ѝ биде домаќин на Турција во Приштина, а Поповски ќе ја има улогата на делегат на финалниот меч на „Фадиљ Вокри“ на кој се очекува да крцаат трибините.
Главен судија ќе биде Мајкл Оливер од Англија. Мечот се игра на 31 март, со почеток од 20:45 часот.

извор

Кими Антонели победи на Ф1 трка во Јапонија и стана најмлад лидер во историјата

29 март 2026

Возачот на Мерцедес, Италијанецот Кими Антонели (19) е победник на трката за Големата награда на Јапонија, трета овосезонска трка од шампионатот Формула 1.
Младиот Италијанец роден во Болоња, на легендарната патека „Сузука“ ја прослави втората победа по ред откако славеше на претходната трка во Кина. Антонели победи со десетина секунди предност во однос на Оскар Пјастри од Мекларен, а на трето место заврши Шарл Леклер од Ферари.
Антонели сега стана најмлад лидер во историјата на Ф1, на возраст од само 19 години и 216 дена. Претходниот рекорд го држеше Луис Хамилтон од Ферари кој во 2007-ма како возач на Мекларен беше прв во генералниот пласман на само 22 години и 126 дена. Тогаш на крајот од сезоната Хамилтон заврши втор но од 2008-ма ја започна трофејната берба.
Трката во Јапонија ја одбележа тежок и страшен судар на возачот на Хас, Оливер Берман. Младиот Британец изгуби контрола над болидот и излета од патеката, прелета неколку метри и удри во заштитната ограда. За среќа возачот на Хас минал без посериозни повреди.

извор