- Изненадувачки за годините, но со исполнето срце и витрини, францускиот репрезентативец кој летово пристигна во Комо, одлучи да и стави крај на играчката кариера.
- Одигра само 23 минути за италијанскиот клуб во Купот на Италија, но има повреда на коленото по која по сè изгледа не сака повеќе да ризикува.
- Ги фати златните денови во Реал Мадрид, каде направи трансфер на 18 години и освои 18 трофеи за 10 сезони. Потоа освои уште два трофеи со Манчестер Јунајтед, а има и титула светски првак со Франција.
- „Имав многу предизвици во кариерата и се соочив со нив и се издигнав. Неверојатни емоции, посебни моменти и спомени кои траат цел живот. Кога ќе се навратам на тоа, чувствувам големо чувство на гордост и чувство на достигнување. Го најавувам моето повлекување од играта што сите ја сакаме, сакам да бидам силен, а не само да присуствувам. Потребна е голема храброст да се послуша срцето и инстинктот“, стои во дел од неговото соопштение.
- Синоќа околу 19 часот пред салата „Јане Сандански“ во Аеродром каде КК Работнички играше против КК Скопје, додека навивачите на клубот од „Градски парк“ чекале да влезат во салата, со факели и други предмети биле нападнати од навивачи на МЗТ Скопје од групата „Фемили Аеродром“.
- Во физичката пресметка е повредено едно лице кое набрзо било префрлено во ГОБ „Св. Наум Охридски“ каде му била укажана лекарска помош. Едно лице било приведено.
- На потегот од Попова Шапка до Титов Врв на Шар Планина се поставени нови ознаки и патокази кои беа оштетени во август годинава, информираат од службата за односи со јавност при „Славков проект – Обележување на планинарски патеки во Македонија“, поддржан од амбасадите на Австрија, Чешка и Словачка.
- Од „Славков проект“ информираат дека по промоцијата следува и промотивно планирање со локални планинарски организации (повеќето од нив партнери во проектот), како и љубители на природата.
- „Групата ја предводеа локални планинари, заедно со врвниот чешки алпинист Марек Холечек – добитник на престижната награда ‘Златен цепин’ (Piolet d’Or) во два наврати и специјален гостин на тековниот филмски фестивал ‘EХO’ во Скопје“, се вели во соопштението.
