- Фудбалската репрезентација на Србија го претрпе најголемиот дебакл во својата историја. Англија славеше 0:5 синоќа на стадионот „Рајко Митиќ“ а Англичаните можеа да дадат уште толку гола да не беше српскиот голман Петровиќ.
- Тотално бледата игра, без да се прејде половина во текот на целиот натпревар ја издепримира српската јавност. Навивачите уште на стадион бараа од селекторот Пикси да си замине а тој нема намера.
- „Мене ме загрижува неговата синоќешна изјава, неговите изјави никој не може да ги цитира, ниту многу поинтелегентни луѓе од мене... Да ја туриш вината на играчите, да им кажеш дека се спори, тромави, дека не играат, дека се без минутажа... Тоа го гледам како еден вид невоспитување и недоговорност на еден селектор кој ја претстаува државата.
- Резултатот не е изненадувачки. Англичаните се добра екипа со сериозен селектор. Германска дисциплина. Начинот на кој изгубивме ги фрла фудбалските навивачи во еден вид депресија. Тој (Пикси) како селектор не направи систем на игра, ниту избра група играчи кои ќе му играат константно“, заклучил Богдановиќ.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
- И покрај тоа што беше веќе потврдено дека некогашниот капитен и легенда на Севиља и Реал Мадрид ќе купи мнозински пакет акции во андалузискиот клуб, луѓето од клубот се откажале и ги допратиле до врата. „Договорот е прекршен и пропадна“, така рекол извор од клубот Севиља за последниот состанок меѓу инвестициската група на Серхио Рамос и луѓето од клубот.
- Рамос и неговите партнери претставиле значајни измени на договорот постигнат на 12-ти мај во кој се обврзале дека ќе платат 450 милиони евра, ќе го смалат признатиот јавен долг од 88 милиони евра за 80% од акциите на клубот“, рекол неименуван извор и додал: „Рамос после дојде со нова идеја: да купи околу 30.000 од акциите за 100 милиони евра, а договорот беше да купи 86.000 акции. После ова групата на Рамос предложила да ја зголеми сумата на 120 милиони но за 42% од акциите.
- „Бевме шокирани зошто сакаше да ја купи Севиља за едвај речиси 100 милиони евра, па после да изврши зголемување на капиталот од нешто повеќе од 100 милиони евра и на акционерите да им плати многу помалку. После ова состанокот беше распуштен“.
