Offside › Набрзинка

Првпат после 22 години без македонски клуб започнува Лига на шампиони

14 септември 2022

Вечерва и официјално почнува новата сезона 2022/2023 во ЕХФ Лига на шампиони. По прекрасните доживувања на нашите клубови и двете евротитули на РК Вардар 1961, по цели 22 години Македонија ќе биде без претставник.
Единствен Македонец кој сезонава ќе игра во елитниот турнир ќе биде репрезентативниот голман Никола Митревски со Порто.
Унгарски Веспрем е фаворит број 1 за титулата иако е јасно дека до Фајнал Форот треба многу да се игра, а тука се и гиганти како Барселона, Кил, ПСЖ.

извор

Трагедија: во гранатирање училишна сала во Иран загинале 20 млади одбојкарки

2 март 2026

Во напад на спортска сала во провинцијата Фарс во Иран загинале 20 млади женски одбојкарки. Нападите ги извеле здружено Израел и САД во саботата околу 17 часот по локално време. Иранската телевизија Ал Мајадин цитирала локални власти кои соопштиле дека одбојкарки биле убиени на тренинг во гимназиска сала во градот Ламерд во јужен Иран, во провинцијата Фарс.
Нападот според новинската агенција ИРИБ бил изведен кога внатре во салата имало деца кои играле одбојка. Агенцијата Ташним пренесува дека во нападите биле погодени најмалку четири други објекти во градот Ламерд.
Во саботата Иран соопшти дека во друг напад на женско училиште загинале 200 лица од кои повеќето ученички во училиштето и дека зад нападот стои Вашингтон, а истиот бил изведен со ракети „томахавк“.
Нападот врз женските одбојкарки го осуди и Меѓународната одбојкарска федерација. „Изразуваме најдлабоко сочувство на семејствата на настраданите и на сите кои се погодени од оваа криза која се развива“, стои во соопштението. Меѓународната одбојкарска федерација спремила и хуманитарна помош и сака да обезбеди сигурност за целата одбојкарска заедница во Иран.
„Секунди по ракетниот напад, прозорите се разлетаа во илјадници парчиња. Спортската опрема, топки, табли, огради се разлетаа низ воздухот. Црн чад го исполни местото. Не се дишеше од мирис на чад. Се слушаа врискотници помешани со звук на рушење и паѓање на плафонот“, рекол 29-годишниот Мохамед Саед Хоршеди, вработен во салата кој го сведочел нападот.
Иранската „Црвена полумесечина“ соопшти дека во нападите на здружената коалиција САД-Израел загинале повеќе од 200 лица досега и повредени се повеќе од 750 лица. Организацијата има повеќе од 220 тима на терен за да помага во расчистување на гранатираните објекти и спасување повредени лица.

извор

Откажан Светски Куп во скокови во вода во Мексико поради картели и пресметки

27 февруари 2026

Претседателката на Мексико Клаудија Шејнбаум пред неколку дена изјави дека Мексико е спремен да го одржи Светското првенство и дека не постои никаков ризик од одложување и преместување натпревари поради честите криминални пресметки меѓу бандите и полицијата.
Но Светскиот Куп за скокови во вода закажан за следната недела во Мексико е откажан од безбедносни причини. Натпреварувањето требаше да се одржи од 5-ти до 8-ми март во градот Сапопан во близина на Гвадалахара во државата Хелиско. Но токму во оваа држава од минатата недела изби масивно насилство на бандите по убиството при обид за апсење на Намесио Осерега Сервантес познат како „Ел Менчо“, најпознатиот водач на озлогласениот нарко-картел „Халиско Нова генерација“ (CJNG).
Бандитите веќе неколку дена палеле автомобили и блокирале улици со запалени автобуси во речиси 12 мексикански држави а властите тврдат дека најмалку 70 лица загинале во престрелките со полицијата.

извор