Offside › Набрзинка

Претепан ракометар на Бутел се бори за живот

8 април 2022

Се работи за Хрватот Денис Тот кој има 27 години и кој минатото лето направи трансфер од Охрид, каде што играше две сезони.
Инцидентот се случил во ноќен скопски клуб, а ракометарот бил примен во болница со повреди и скршеници.
Вечерњи лист пишува дека снимките од безбедносните камери биле избришани.

ЕДИТ: Последната вест е дека Тот починал на скопската клиника.

17 јуни 2025

Новото раководство на КФМ го промовираше Марјан Илиевски за нов предводник на македонската кошаркарска репрезентација, кој доаѓа како наследник на Александар Јончевски.
Илиевски беше тренер на Пелистер, Сигал Приштина, Блокотехна, АВ Охрид, Кожув и Лирија. Помошници ќе му бидат Боби Митев, Борче Даскаловски и Мирко Петрески.
Прва задача му се претквалификациите за СП 2027 година, каде Македонија е во група со Унгарија и Романија, мечеви кои ќе се играат во август.
Договорот е на четири години и тој е вкупно 15-ти селектор на македонската кошаркарска репрезентација.

17 јуни 2025

Европската куќа на ракометот го затвори скандалозниот случај кој АЕК Атина го предизвика против Алкалоид во реванш финалето од Европскиот Куп.
Откако пред десетина дена го прогласи за шампион во ова натпреварување за сезоната 2024/25, ЕХФ го казни Алкалоид со 5.000 евра затоа што не обезбедил доволен број билети за гостинските навивачи, соодветно со капацитетот на салата.
АЕК Атина доби две годишна суспензија во европските купови, како и парична казна од 20.000 евра, бидејќи го прекршил основното правило на ЕХФ, да не игра на закажан натпревар.